Dinto Aggibus A Daniw Ti Imbatim Nga Aweng Ti Naindaklan A Kaaddam

Kenka, Dr. Godofredo S. Reyes, Laureado a Mannaniw Ti Ilokandia 1973-2009

Kasasam-itan a musika ti kinaumbi ti malem dagiti malem
Matimud trumpeta dagiti anghel, punipon ngayed-samiweng
Dinto maumag, agindegto iti simbaan ti nakem
Ti sudina agukradto a sabong ti dinto agsardeng a panawen
Kasindaeg sangapaglangitan a parimrim dagiti bituen.
Sadi Gloria nagdappatka iti paludip imnas a malem
Malem a dinandaniwan kararuam iti sam-it panagtaklin
Paltiingna dita pusom nakalamlamuyot nga aweng
Katimbeng pinalibnosmo a kutengteng ni talugading
Kas Laureado a Mannaniw, kinatarakim allon kinatakneng
Aglaplapusanan iti pikapik romantiko nga es-essem.

Hiram Na Pag-ibig

Miss 3R

Hanggang saan?
Hanggang kelan?
Ang ibigin kita’y isang kasalanan
Ang limutin ka’y aking kamatayan
Sa bawat segundo ika’y hiram lamang.

Ang pag-ibig na Iyong isinabog
Sa lansangan’t nayon iyong idinulog
Hinasik ang sinta sa makapulot
Baka maunahan ang aking pagdampot.

Bantay Ansad

Maysaka a napintas a buya
Kas iti maysa a dayag mayarigka
Binaludnak ta kayawmo a nagpaiduma
Uray kasanot’ kangato bantay-barukongmo,
Sang-ataekto latta
Tapno innak imatangan pakabuklam
Nga ingget sadia
No addaak dita alimpatokmo
Umapay kakaimasan a rikna
Ket dagiti arapaapko maabelda
Bantay Ansad, babaen toy tugot-pluma
Adtoyak nga umay kenka umabrasa
Wen, saan nga umdas dagiti balikas
A pangibuksilak pammategko kenka.

Nepo T. Benitez Jr.
San Esteban, Ilocos Sur

Baboy, Quarantined Gapu iti Virus

Gapu iti AH1N1, adu kadagiti tattao ti ma-quarantine tapno saan a maakaran wenno makaakar iti daytoy a sakit.

Ditoy Santa Lucia, Ilocos Sur, gapu met laeng iti virus, dagiti baboy ditoy ket na-quarantine tapno gapu iti agraraira a virus a nangapektar kadagitoy.

Gasut ti natayen gapu iti porcine reproductive and respiratory syndrome virus kabayatanna nga ad-adu pay ti pagbutbutngan a naapektaranen.

Dagiti reported a barangay nga addaan iti kastoy a kaso ket iti barangay Angkileng, Buliclic, Pila East ken Conconig East.

Daniw Ni Apo Godo Reyes

(Naadaw daytoy a daniw iti libro a Da Angalo Ken Aran ken Dagit Napili A Dandaniw ni Dr. Godofredo Reyes)

Saan a ti kaatiddug ti panagbiag

ti rukod ti maysa
nga agbanbaniaga
ditoy rabaw ti daga;

Saan a ti kaatiddug ti panagbiag

wenno kinabaknang
a masapulan
ti pakagatadan;

Dr. Godofredo Reyes, Pimmusayen

Ladawan ni Dr. Reyes iti provincial capitol ti Ilocos Sur iti panagtakemna kas gobernador

Santa Maria, Ilocos Sur.  Pimmusayen ni Dr. Godofredo Reyes!

Maysa a Lauriado-Mannaniw nga Ilocano, pagtamdan a politiko ken agdindinnamag a mangngagas, mannurat, beterano iti maikaddua a gubat sangalubongan, nalaing a mannurat, maysa a pintor ken mannursuro.

Filomeno Valdez Martinez, Sakada

Statue Of Sakada In Candon City, Ilocos Sur, Philippines

Ballog, no awaganda iti iluko, Awol met iti Ingles. Dayta ni Tang Minong, maysa a sakada, nga inaklonna a dandani nalikmotna ti amin nga isla ti Hawaii gapu met laengen iti kinaballogna kabayatan iti panagtalinaedna iti purpuro ti Hawaii.

Ubbing pay, no idilig iti dadduma a sakada, agsipud ta naipasngay idi Hunio 5, 1922 idiay barangay Bagani Ubbog. Sakbay a nag-sakada, maysa isuna a Bolomen idi panawen ti maikaddua a gubat sangalubongan. Ket ditoy a naam-ammona ti maysa nga Amerikano (dinan malagip ti naganna) a nangipan kenkuana idiay.

1946, wenno addan iti maudi nga abansada ti ipapanna, naglugan iti maysa a barko ti US Army a nagrubbuat iti Salomage Port, iti Cabugao, Ilocos Sur.