CANDONIANS OF HAWAII, ADDAANEN ITI BARO NGA OPISIAL

            HAWAII.  Ni Deputy Speaker ken Ilocos Sur 2^nd District Congressman Eric Singson ti manamnama a mabisita ken mamagsapata kadagiti kabarbaro nga opisiales ti Candonians Of Hawaii intono Agosto 15, 2008 idiay Pacific Beach Hotel.

            Maangay ti panagsapata dagiti baro nga opisial nga agtakem iti 2008-2010 nga idauluan ti kabarbaro a presidente a ni Samuel Sonson.

            Pakairamanan kadagiti dadduma pay nga opisial ti Candonians of Hawaii ket dagiti sumaganad:

            President – Samuel Sonson
            1st Vice President – Dr. Ignacio Torres (Past President & Adviser)
            2nd Vice President – Joey Centeno
            Recording Secretary – Mary Jane Gameng
            Corresponding Secretary – Flora Ea
            Treasurer – Delia Wong
            Asst Treasurer – Adelle Eleccion
            Auditor – John Guilambo
            Press Relation Officers: Alma Caberto, Miriam Langas & Van Torres
            Peace Officers: Cesar Fajardo, Teddy Langas, Dennis Luat & John Mangayayam
            Advisers: Bernadette Dario Fajardo – Immediate Past President
            Dr. Ignacio Torres – Past President
            Rey Custodio – Past President
            Dr. Ben Galindo, Jaime Juan, Ines Resurrection & Dr. Remy Sonson
            Legal Adviser: Atty. Alex Sonson
            Malaksid kenni Congressman Singson, mabisita ken agsarita ni Consul General Ariel Y. Abadilla iti Philippine Consulate General-Hawaii.

            Kabayatanna, kas maysa a Candonian, agtultuloy ti suportada kadagiti kakailianda iti Candon babaen iti scholarship program, addan ti uppat a napaggraduardan, ket agtultuloy daytoy a programa tapno matulongan dagiti agtutubo a mangtun-oy iti arapaapda.

            Malaksid iti dayta, adda pay ti programa a panakaipaay iti computer iti pagadalan a nagturposan ti iskolarda.  Ket kaudian ditoyen ti panakipasetda iti panakaangay iti sumaruno nga Aloha Medical Mission.

            Ti Candonians of Hawaii ket sigud a naawagan iti Sons and Daughters of Candon a daytoy ket nabangon idi Marso 1948.  Ti pundador ken kaunaan a presidente ket ni Dimas Gaston.

            Maikatlo kadagiti kapautan a gunglo idiay Hawaii, ket ita addaan iti nasurok sangagasut a kamengna. Amado Yoro