Bannatiran

(Bannatiran is a kind of bird that can be found north of the Philippines.  Dr. Tomas Villamor, a past president of GUMIL-IS once asked if this bird really exist… some say it is a mythical bird.)

Bannatiran, ‘ta dutdotmo kalilibnosan
‘Ta panggepmo dika patuloyan
Suminakan, sadin’ aya papanam?
Sadino, bannatiran
Ania a kayo ti inka pagdissuan?

Daydiay kayo nga agsabong ken ayat
Panawam man
Ay, babawimto’t kamaudianan
No ni liday ti matumpongam

Ania a sabong ti kayatmo, bannatiran
Ta ray awan pilit nga inka isapulan
Ta sikat’ sarming a paganninawan
Iti raniag da init ken bulan

SULISOG

Kenny Oblero, La Union

 

Agay-ayamka man iti apoy, gumil-ayabka

Derrep a tarigagaymo, sumgedka

Ngem ti banagem, maibabainka.

Sulisogka kaniak ngem adaywanka.

Ta iti Dios dimo mailimed kenkuana

No ni sulisog ket abakennaka

Di bumurong awatemto ti bunga ti aramidmo a pannusa

Ket ta gumilgil-ayab a riknam sebsebam koma

Ta awanto kenka da dagensen ta riknam.