Daniw Ni Apo Godo Reyes

(Naadaw daytoy a daniw iti libro a Da Angalo Ken Aran ken Dagit Napili A Dandaniw ni Dr. Godofredo Reyes)

Saan a ti kaatiddug ti panagbiag

ti rukod ti maysa
nga agbanbaniaga
ditoy rabaw ti daga;

Saan a ti kaatiddug ti panagbiag

wenno kinabaknang
a masapulan
ti pakagatadan;

Saan a ti kaatiddug ti panagbiag

ngem dagiti mabati –
napaut, ingget sudi
a gappuanan, nadamili;

Saludsodek Kenka

Naaramidmo ti pagrebbengam

iti bagi ken kararuam?
iti tattao ken nagserviam?
iti daga a nakayanakam?
iti Dios a nailangatan?

Sumungbatka

Wen
Wenno
Saan.

Isu dayta ti pagkukodan

no mapatit ti kampana

ti panaginana.