ilocanosphere

window for ilocano…

Bantay Ansad

Maysaka a napintas a buya
Kas iti maysa a dayag mayarigka
Binaludnak ta kayawmo a nagpaiduma
Uray kasanot’ kangato bantay-barukongmo,
Sang-ataekto latta
Tapno innak imatangan pakabuklam
Nga ingget sadia
No addaak dita alimpatokmo
Umapay kakaimasan a rikna
Ket dagiti arapaapko maabelda
Bantay Ansad, babaen toy tugot-pluma
Adtoyak nga umay kenka umabrasa
Wen, saan nga umdas dagiti balikas
A pangibuksilak pammategko kenka.


Nepo T. Benitez Jr.
San Esteban, Ilocos Sur

July 9, 2009 Posted by | Daniw (Iluko Poem) | , , , , | 10 Comments

Agsubliak

Gemini 5

Manipud idi naiwawaak

Dana ti basol ti nagnaak

Oh, Apo, umayak ket agsubliak

Ayatmo itdem ket awatennak

Dinadaelko adu a tiempo

Agbabawiak kadagiti basol

Agtalekak saom, patiek

Masakit daytoy kararuak

Pabaroem pigsa namnamak

Ket, Oh Apo, agsubliak.

January 6, 2009 Posted by | Daniw (Iluko Poem) | , , , | Leave a comment

Tuyagak Manen Ti Baso Ni Ragsak

Nepo T. Benitez, Jr.

San Rafael, San Esteban, Ilocos Sur

 

Namimpinsanen a linipat ti gulib ti napalabas

Daydi baso da upay ken saem

In-inut a naep-ep, naglumen

Ket ti nakuyem a lubongko rimmaniag

Iti idadateng ti baro a malem

Tuyagak manen ti baso ni ragsak

Ngem saan a tapno aglemmesak gapu iti saem

Ita agpapasak ket lemmesek ti barukongko

Iti sam-it ti diro ti baro nga ayat

Ta ti kalman ket maysan a kalman

Sanguek itan ti agdamak

Iti sidong ti baro a lasbang.

November 26, 2008 Posted by | Daniw (Iluko Poem) | , , , , | Leave a comment

IGUDAGODKO LATTA ‘TOY PLUMA

(Iti Maika-44 Anibersaryo Ti GUMIL-IS)

 

Igudagodko latta ‘toy pluma

A makirinnisiris iti papel

Tapno mabukel dagiti binatog

Agbalikas kas obra maestra.

 

Bay-ak nga agayus ti tinta

Tapno maputar dagiti linia

A mangkigtot kadagiti santilmo

Nga agparang iti agmatuon.

 

Diak met a lapdan nga agikur-it

Dagiti agpigpigerger nga ima

Tunggal aglayus dagiti balikas

A manglapunos rikna a naiwawa.

 

Wen ta dinto magawidan

Dagiti sabong-panunot

A rumkus iti kaunggan

Tunggal imatak dagitoy matak.

 

Agingga nga adda dagiti masisirib

A mangsikap kadagiti kuneng; aginkukuneng

Makinnirisiris  latta toy pluma

Iti nagalis, sumilsileng a papel.

 

Dan Niel Tagupa

Cabaritan, Santo Domingo, Ilocos Sur

November 20, 2008 Posted by | Daniw (Iluko Poem) | , , , , , | Leave a comment

DJ NG AKING RADYO

Kameah Pearl

 

Sa tuwing sasapit ang oras ng programa mo

Tanging bitbit ko ay ang aking radyo

Malambing boses na inaabangan ko

Na nagpapaganda ng araw ko.

 

Boses mong kay ganda, masarap sa tainga

Ako’y napahanga kahit di pa nakita

Di man kita makita at malayo ka

Parang kapiling ka at laging kasama.

 

Ikaw ang inspirasyon ko,

Maging sa aking trabaho

Wala ang pagod basta boses ay naririnig ko

Sa magandang programa mo DJ ng aking radyo.

November 11, 2008 Posted by | Tulang Filipino | , , , , , , , , | Leave a comment

Maiparit A Droga

Kameah Pearl
 
Anian nga ulpit dagiti nangpartuat kenka
Ta dida pinanunot ti pagdaksanna
Napateg kadakuada ket kuarta;
Ania ti adda kenka
Apay kayatdaka maiparit a droga
Uray mailako amin a sanikua
Tapno magatangdaka…
Gapu kenka, adu ti nayaw-awan
Adu ti nadadael ti biag, pamilia, salun-at
Nangruna masakbayan dagiti agtutubo
Kaanoka ngata a maungaw
Ditoy lubong a nakaparsuaan
Awan maitedmo a pagsayaatan
No di ket pagdaksan

November 5, 2008 Posted by | Daniw (Iluko Poem) | , , , , | Leave a comment

Ipupusay Ni Ayat

Dan Neil Tagupa

Cabaritan, Sto. Domingo, Ilocos Sur

 

Naikari kadi a magsaten

Toy agngangabit a namnama

Awan kadin ti mamaayna

Maikapet a suero ni ay-ayo

Nairanta ngata nga agtungpal

Iti morge ni pannakapaay

Tapno maimbalsamo ni ragsak

Sa maikahon iti lungon ni liday

Masapul, aya, nga agdung-aw

Toy puso a naulila

Rumbeng kadi a masukal

Ti ibit ti wak

A nakasaganan a sumippayot

Iti di nakapudno a kararua

Kas man la kumpay ni patay

Ta bimmato a riknam

A manggudas ken karayo

Naitangkal rehas-panakaikulbo

Ala, bay-am ngarud

Nga agtokar ti musiko

Iti naladingit a samiweng

Bayat panakapatit kampana

A mangipasimudaag kaadda

Ti maitabon nga ayat

Itulokko ngarud a maitanem

Iti kamposanto ni saem.

October 27, 2008 Posted by | Daniw (Iluko Poem) | , , , , , , | Leave a comment

Follow

Get every new post delivered to your Inbox.

Join 32 other followers