BOKAL CHERRY GIRONELLA, NAIPUNPON

 

          SALCEDO, Ilocos Sur.  Manipud iti probinsia ti Ilocos Sur ken Abra, ginasut ti nakipagladingit iti panakaipunpon ni Sangguniang Panlalawigan Member Rosario ‘Cherry’ Gironella idi Hulio 3, 2008 iti ilina.

          Alas 7:30 iti bigat idi nayulog ti bangkayna manipud iti pagtaenganda iti Poblacion, Salcedo.  Alas otso iti bigat idi marugian ti misa iti Saint Joseph Parish Church babaen iti panangmisa ni Fr. Ronnie Bella.

          Alas 9:00 iti nalpas ti misa ket naipan ti bangkay iti sanguanan iti municipal building para iti necrological service.

          Pakairamanan kadagiti nakipamunpon ket da Abra Governor Eustaquio Bersamin, da bokal Orlino Tesoro, Jose Bonuan, Chuchi Purisima, Robert Tudayan.  Adda dagiti mamayores iti Ilocos Sur kas kada Mayor Allen Singson ti Candon; ti League of Municipal Mayors nga indauluan ni Mayor Edgar Zaragoza, ken dagiti umili ti Salcedo, Ilocos Sur.

          Idi Hunio 22, 2008 ket natay ti bokala iti maysa nga ospital idiay Metro Manila gapu iti sakitna a pancreatic cancer.  Iti aldaw iti Huebes, Hunio 26 ket naisangpet met ti bangkayna iti pagtaenganda iti Salcedo agarup alas 5:20 iti agsapa.

          Inulilana ti kaingungotna a ni Mayor Leonofre Gironella iti Salcedo, Ilocos Sur ken dagiti tallo nga anakna a da Louie, Joselle ken Gracielle Gironella.

          Agsipud ta maysa nga independent idi timmaray iti napalabas nga eleksion a nangabakanna kas bokal, manamnama a maysa kadagiti anakna ti sumukat iti takemna iti konseho ti Ilocos Sur.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s