UFCH, NANGPILI TI BARO A MANGIDAULO

 

            LAS VEGAS, Nevada.  Iti umuna a gundaway, naangay iti ruar iti isla ti Hawaii ti panakapili kadagiti kabarbaro nga opisiales ti United Filipino Council of Hawaii (UFCH), naangay daytoy iti California Hotel, Las Vegas, Nevada, Mainland USA idi Hulio 18, 2008.

            Indauluan ni Edilberto “Eddie” Agas, Sr. kas presidente, dagiti kabarbaro nga opisiales nga agtakem para iti tawen 2008-2009.

            Walo ket maysa (81) ti timmabuno manipud iti naduma-duma nga Island Council a pakairamanan ti Oahu FCC, Maui FCC, Molokai FCC, Big Island FCC ken Lanai FCC.

            “Maragsakanak ta adu dagiti suportayo itoy a panagtitipon dagiti delegado,” kinuna ni Agas idi nasaludsod iti riknana iti panangabakna a presidente.

            Timmaray ni Agas nga awan ti simmango kenkuana: “Agyamanak ket namnamaek ti timpuyogtayo a mangisagana, mangituloy ken mangipatungpal kadagiti proyekto para iti pagsayaatan iti komunidadtayo.” Kinunana pay.

            Tubo ti Bacarra, Ilocos Norte, ngem agnaeddan a sangapamilia iti Kapolei/Ko Olina, Hawaii.

            Pakairamanan kadagiti nabotosan nga opisiales ket dagiti sumaganad:  Angie Gomez Borromeo, bise presidente; Lyn Gutierez, sekretaria; Bernadette Fajardo, tesorero; Dolly Ortal, auditor; ken dagiti Board of Governors a da Philip Alcain (Oahu), Cleo Bala Casino (Oahu), Annie Corpuz (Oahu), Ireneo Soriano (Kaui), Liza Trinidad (Kaui), Fred Dagdag (Maui), Joy Fontanilla (Maui), Debbie Davis (Molokai), Moses Locson (Molokai) ken Edwin Ranan (Big Island)

            Sinukatan ni Agas ni Bryan Andaya kas presidente ti UFCH.

 

Amado Yoro

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s