A LETTER BY UNBORN CHILD TO MOMMY

 

Dear Mommy;

 

Hi Mommy, ti umuna kayatko nga ibaga kenka ket ti napalalo a ragsakko ta sika ti naited kaniak a mommy.  Ammok, nga ipatpategnak, ket kayatko met a maammuam a numan pay saannak pay a nayanak, ipatpategka unayen.

 

Mommy, kayatko a maammuan nga okaynak ditoy uneg ti tianmo ta natalimeng unay.  Ngem no dadduma, ammom met a tapno dumakelak ditoy uneg ti tianmo kasapulan met a manganak.  Masapulko ti espesial a taraon tapno nasayaat ti panagdakkel ken panakatubayko ken tapno agtalinaed a nasalun-atka.

 

Daytoy ti listaan dagiti kasapulan a taraon tapno padata a nasalun-at bayat iti panagdakkelko iti uneg tianmo.  Umuna, proteins wenno Grow Foods.  Ta dagitoy ti kasapulan tapno matubay dagiti lasag ken musclesko, ti utekko ken dagiti tulangko.  Ammom kadi mommy dagiti taraon a nabaknang iti protina?

 

Maikaddua, carbohydrates ken fat wenno Go Foods tapno dagitoy ti mangted ti pigsa para kadata a dua nangruna iti inaldaw a trabaho.  Kasapulam ti pigsa a mangawit kaniak a sipapanakkel, mommy. Masapulko met ti pigsa tapno agtalinaedak a nasalun-at.  Sorry gayam, ta no dadduma ket makugtarak ta tianmo. Aramidek laeng daytoy kas panangibagak a nasarantaak ditoy uneg ti tianmo.  Mommy, ammom kadagiti taraon nga addaan carbohydrates ken fats?

 

Maikatlo ket dagiti vitamins ken minerals wenno dagitoy ti Glow Foods ta dagitoy ti mangsimbeng iti proseso ti bagi.  Mommy, masapul a napintas ken naguapoak inton rumuarak iti tianmo tapno kaykayatdak dagiti tao.  Kayatko met a kanayon a napintaska ken rumimrimat dagiti matam, nalinis ta kudilmo ken nasarantaka.  Isu ngarud a masapul ti vitamins ken minerals. Ti vitamin C ti mangsalaknib kadagiti sakit. Diak kayat ti agsakit ken diak met kayat nga agsakitka.  Kasapulan ti iron a mangpalabaga iti darata.  Diak kayat pay a mabannog ken agbebessagka. Kayatko a nasarantaka a makiay-ayam kaniak.

 

Mommy, masapul a manganka pay kadagiti taraon a nabaknang iti iodine, iodize salt ngarud ti usarem.  Kayatko a dumakkelak a nasirib.  No agkurang ti iodine, saan a napintas ti panakatubay ti utekko, amangan pay ketdi a maregregak wenno agbalin nga umel ken tuleng. Ammom met laeng dagiti taraon a nabaknang iti vitamins ken minerals?

 

Agsipud ta dumakdakkel iti unegmo, masapul a kadduem ti mangan iti Grow, Go ken Glow Foods. Saan laeeng a para kenka ti kanen, mommy, ta ilaklak-amannak met. Manganka a para kadata a dua isu a dimo ipalubos nga agbisinta a dua. Agdepende kenka ti biagko, mommy.

 

Ammok a taripatuennak a naimbag babaen iti panangtaripatom iti bagim.  Ammok unay a dagiti kasapulan a taraon ti ipaunegmo ta ipatpategnak ken ipatpategka met.

 

Love

 

Baby

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s