BARO A PROBINSIA ITI REHION 1, ADDA NAMNAMANA

            Adda baro a probinsia a main-inaw ita iti Ilocandia, partikular ditoy rehion uno, daytoy ket ti Bago Province.

            Iti panaglukat ti kongreso iti daytoy Hunlio 28, 2008 ket manamnama a maipilan ti gakat tapno madengngeg ti kalikagum dagiti indigenous people wenno IP iti upland municipalities ti Ilocos Sur ken Abra a maaddaan iti kabukbukodan a probinsia.

“Nabuntog ngem magmagna!”

            Daytoy ti kinuna ni Mr. Alexander Bistoyong, sigud a bokal ti Ilocos Sur ken Ilocos Sur Federated Chairman ti Bago National Cultural Society of the Philippines kabayatan iti eksklusibo nga interview kenkuana.

            “Ni Congressman Mauricio Domogan iti Baguio City ti mangipila iti gakat, with the coordination of officials of Ilocos Sur ken Abra.”  Kinuna pay ni Bistoyong.

            Inlawlawagna ni Bistoyong a ni Domogan ti mangipila iti gakat agsipud ta isuna ket nayanak ken dimmakel iti Patiakan, Quirino, Ilocos Sur.  Kinunana pay nga ammona ti pudpudno a kasasaad ti lugar.

            Ti Bago province nga arapaap dagiti umili ti upland municipalities iti Ilocos Sur ken Abra ket kaadduan dagiti umili a kameng iti tribu kas koma iti Bago, Tingguian, ken Kankanaey.

            “Dawat daytoy iti upland municipalities, a dakami nga IP’s, ket adda koma maysa a grupo wenno probinsia tapno bukodmin ti mangimaton iti probinsia ken mang-develop iti pagrang-ayanmi.”

            Innayon pay ni Bistoyong nga iti naudi a dayalogda kadagiti opisial ti probinsia, nasayaat ti nagbanaganda ta awan met ti nagkedked wenno nangtubeng kadakuada iti panagbukbukodda.

            No kaskano, ti probinsia ti Bago ti agbalin a maikapat a probinsia a nabukel manipud iti Ilocos.  Maipalagip a ti Ilocos ket maymaysa idi, ngem idi agangay ket simmina ti Ilocos Norte ken La Union gapuna a nagkatlo ti sigud a probinsia.  Ti Bago ti maikapat no maaprobaran daytoy kas maysa a probinsia.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s