Sakupit, Uppit, Sangi a Kuppit: Kastoy ti Agaramid

An artist of sakupit, he's from Iteb, Malideg, Quirino, Ilocos Sur.  He makes the locally known as sakupit or backpack.

An artist of sakupit, he's from Iteb, Malideg, Quirino, Ilocos Sur. He makes the locally known as sakupit or backpack.

 Ti sakupit, sangi ken pasiking wenno dadduma pay nga awagna— ket maysa a kita ti backpack a naaramid iti kawayan.  Aramaten idi daytoy dagiti iti tribtribu tapno pagikabilan ti gargaret, ramramit ken dadduma pay a kasapulan nangruna no adda ti papananda.

            Manmanon ti makita nga agar-aramat iti kastoy.  Nupay adda latta dagiti saggaysa a di mangibain a mangikaratay ti kastoy.  No adda makita a kastoy,ibagadan a—taga-sursurong wenno taga-upland.

            Ngem adda dagiti makita a lako iti Baguio City ken dadduma pay a lugar ditoy Ilocandia, nangruna iti upland municipalities.  Ngem saan a bag ti aramatna, no di ket souvenir wenno remembrance.

            Ngem no ammotayo la koma, a ti maysa a sakupit ket adu nga anus, aldaw ken kawayan ti kinasapulan.  Tapno makaaramidka iti kastoy ket kasapulan ti nasurok sangapulo nga anes a kawayan, tallo nga aldaw, ken talento tapno makaaramid iti naidumduma a backpack.  Ti anes ket maysa a kita ti kawayan a basbassit ti langana kadagiti dadduma a kawayan.

            Iti barangay Malideg, Patiakan ken Banuen iti ili iti Quirino, Ilocos Sur, ti kaadduan nga agar-aramid iti kastoy.  Maysa kadakuada ni Tang Dionisio Pal-oay.  Singkuentay tres aniosnan. Iti  sitio Iteb, sakupen ti barangay Malideg, masarakan dagiti kaadduan nga agar-aramid iti sakupit, koppit, pasiking ken dadduma pay.  Patawid daytoy ap-appoda.  Ken awan sabali a mabalin a mangaramid iti daytoy no di ti nasiglat nga ima.  Handcrafted, no iti ingles.

            Tapno makaaramid iti sakupit, kasapulan ti kawayan nga anes, lanut a kas koma ti oplig, nito ken labtang.

            Uray adu anes iti Quirino ngem narigat ti agala.  Mapanka iti bantay, mangpalaspas iti puon, raatan ken pukanen.  Bagkatenen nga ipan iti balay.  Makarusan wenno makayasan tapno napintas ti silengna ken agparang ti anit wenno kudilna.  Maibilad iti sumagmamano nga aldaw, no nagangon ket mabanban.

            Inlawlawag ni Tang Dionisio nga anes ti masapul a lagaen ta nalamlamuyot daytoy, nalaklakan nga ipikon.  Ti kawayan ngamin a siitan, bolo, bayug ken dadduma ket nasikkil ken napuskol ti ayan iti ukisna.  Ket no mabanban ket mabilad, narasi.

            Umuna nga aldaw, aglaga iti bagi ken kallub. Maikaddua nga aldaw, panangdalus ken pananglagada  iti saklayan manipud iti labtang.  Ti labtang ket maala kabakiran.  Makayasan, maipagango santo malaga iti diseniona. Mabalinto metten nga aramiden ti disenio ti ayugo nga adda iti pagrikepanna. 

            Maikatlo nga aldaw, ikabit ti karatayna, ti pilad wenno ti pagtugawan iti ubet, panang-varnish, panangikabil iti disenio ken dadduma pay a pangleppas iti proyekto.

            Ket kamaudiannanna, addan sakupitmo nga inar-aramat dagiti tribu ti Kankanaey, Bago ken Tingguian.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s