1st REGIONAL ART FESTIVAL

 

            The true work of art is but a shadow of the divine perfection

                                                                                    Michaelangelo

 

 

            Binatbatan Festival ti Vigan City, Dinengdeng ti Agoo, La Union, Pistay Dayat ti Dagupan City, Tobacco Festival ti Candon City, ken Damili Festival ti Ilocos Norte… ken dadduma pay a pangipakitaan ti talento iti sala ken saririt. 

            Ni Ilocano, umoken ti kultura ken kannawidan babaen iti festival ti tunggal ili wenno probinsia..

            Ket ita, adtoyen ti sulbod ti festival, ti pakamulian dagiti  ubbing iti benneg iti naduma-duma a kita ti arte:  iti kansion, sala, pinta ken teatro.

            Agtultuloy latta nga agbiag dagiti arte iti kultura iti puso ni Ilocano.

            Dagiti samiweng manipud kadagiti nalailo a timek ti soprano a boses wenno ti nagkaysa a timek dagiti choir.  Denggem man ketdi ti Bannatiran.

            Dagiti simple ngem nangayed a pinta manipud kadagiti tugot da Leonardo da Vinci wenno MichaelAngelo.

            Dagiti nalamuyot a garaw ken pitik dagiti sumasala iti nagkauna a kumpas ken kabaruanan nga interpretasion.

            Napagdadagup amin dagitoy babaen iti naannad ken nadungngo a panangsanay dagiti coaches, instructor ken conductors, sa sigagar nga inpabuya dagiti estudiante iti maysa a pasken a naawagan iti … 1st Regional Art Festival ti Department of Education iti Region 1. 

            Ti nagsangaili iti daytoy nangayeg a fiesta ti arte ket ti dibision ti Candon City.

            Manipud iti uppat a probinsia ti rehion uno:  Ilocos Sur, Ilocos Norte, La Union ken Pangasinan, nakipaset ti 13 a dibision ti DepEd—Ilocos Norte, Laoag City, Ilocos Sur, Candon City, Vigan City, La Union,  San Fernando City, Pangasinan 1, Pangasinan 2, Urdaneta City, Dagupan City, San Carlos Division, ken Alaminos City Divison.

            Addaan iti tema: “Celebrating Unity in Cultural Diversity Through the Arts”, naangay ti salip idi Enero 16-18, 2008 iti uppat disso iti Candon:  iti Candon South Central School Quadrangle, Candon National High School Gymnasium, Marian Hall ti Saint Joseph Institute ken Candon Civic Center.

            Dua a ribu agingga iti tallo a ribu nga estudiante, mangisursuro, ken nagannak ti nagatendar.  Naibalayda amin iti naduma-duma a pagadalan ti dua a distrito ti Candon.

            Kas agdama nga DepEd Regional Director, adda ni Dr. Ligaya Solidad T. Miguel, a kas kangrunaan a sangaili iti opening program. Kinaddua isuna da City Mayor Allen Singson, ken dagiti schools division superintendents.

            Dinayawna ti panakaisayangkat ti programa saan laeng tapno makapaginana iti  makarengreng a tukar manipud kadagiti makapisang nga uni ti gitara, kadagiti mangrebba a kanabtuob ti drums, dagiti langlangguak a sala, moro-moro a pabuya iti inaldaw-aldaw a gobierno… no di ket kangrunaan iti amin, tapno maay-ayo kadagiti nasolemna a kankansion.

            Dinayawna met ti Candon gapu iti panangsangailina iti programa.  “Nagsayaat a ti umuna pagbuyaantayo iti arte ket iti Candon nga makunkuna a culture-rich, music-rich, ken art-rich city.”

 

TI PROGRAMA

            Umuna Nga Aldaw:  Naaramid ti panglukat a programa.  Kalpasan ti panangkararag ni Msgr. Vicente Avila ken ti Nailian a Kante ti CNHS Faculty and Staff Choir, pinasangbay ni Mr. Jorge Reinante, agdama nga OIC-Schools. Division Supt. ken ni Mayor Allen Singson ti Candon City dagiti delegado.

            Ni Dr. Elva Lois Orlanda, Chief, Elementary Division ti nangiparang kadagiti partisipante manipud iti 13 a dibision. Sinaruno ti panagsarita ken panangilukat ni Dr. Miguel iti tallo nga aldaw a fiesta ti arte.

            Ni Dr. Miriam Najera, Education Supervisor II ti Music & Arts ti nangilawlawag iti aktibidad.

            Iti malemna, nangrugi ti aktibidad ti naduma-duma a salip iti kategoria ti elementaria ken sekondaria:

  • Marian Hall, Saint Joseph Institute

1.      Vocal Solo

2.      Instrumental SoloCandon National High School

1.      Choir Competition

2.      Media Arts (Photo Documentation)

3.      Visual Arts

·        Charcoal life painting

·        Still life painting

·        On the spot painting

·        Collage art

·        Mosaic art

·        Junk arts

·        Mixed arts

4.      Creative Writing

  • Candon Civic Center
    1. Traditional Music Ensemble
  • Candon South Central School

1.      One Act Play

Iti maikaddua nga aldaw, dagitoy met dagiti aktibidad:

  • Candon South Central School
  •  
    1. Drum and Lyre Competition
  • Candon National High School
  •  
    1. Contemporary Dance Competition (secondary
    2. Traditional Folk Dance (secondary)
  • Candon Civic Center

1.      Contemporary Dance Competition (elementary)

2.      Traditional Folk Dance (elementary)

3.      Dance-Drama

  • Marian Hall, SJI

1.      Rondalla

 

            Maikatlo nga Aldaw:  Naisangsangayan nga aldaw kadagiti amin a nangabak, nangruna kadagiti nakagun-od iti umuna a gunggona.  Awatenda ti sertipiko ti pammadayaw gapu iti kinasangsangayan ti talentoda.  Malaksid iti dayta, ipabuya pay dagiti nakagun-od iti umuna a gunggona ti winning pieceda. Kadagiti met pagadalan, awatenda ti tropeoda kas maibasar iti ranggo ti dibisionda.

            Kinuna ti maysa a hurado bayat a buybuyaenna ti sala ti pinangabakda:  “Saan laeng a dagiti winner, wenno dagiti coaches  ti agnernerbios.  Nakarkaro kadakami a nang-hurado ti madandanagan.”

            No apay a naibagana, dagiti ngamin nakagun-od iti umuna a gungona ti mangibagi iti rehion uno iti panakaisayangkat ti Philippine Art Festival idiay Metro Manila.  Ket no adda pagkunaan iti pabuya, umuna nga agballatek daytoy iti nangitandudo.

            Umuna kadagiti nag-perform dagiti nangabak iti kinantaan.  Ket iti dayta a gundaway, naminsan pay nga inpaneknek da Daniel Vinluan Jr. (elementaria) ti Pangasinan ken Rosette Aguiner (sekondaria) ti Ilocos Sur no apay a napinpintas latta a denggen dagiti sonata ken timek ti kalman.

            Makaay-ayo iti lapayag.  Sumarot iti puso ti kansion a narigat pay iti makatawen a mangegmo dagiti kastoy.  Dimo maliklikan a sapay koma ta addaka daydi panawen a dagitoy ti dengdenggen a sonata.  Saan a makarengreng;saan a kumanabsiit;  di mangalngalngal dagiti balikas.

            Makapatengngel anges pay ti panagparang dagiti talento iti naduma-duma nga instrumento-musikal kas koma ti piano, nakuerdasam (gitara), ken dagiti mapuyotan (winds/percussion).

            Dagiti sala a mangiladawan iti napalabas (folk dance, traditional music ensemble) ken kabaruanan (contemporary dance interpretation) ti simmaruno a dinayaw dagiti agbuybuya.  Di mapagduaduaan, saan met a nagbiddut dagiti hurado iti panangpilida kadagiti nangabak.

            Uray pay dagiti naisangsangayan a nagkaysa a timek kadagiti nangabak iti choir ken rondalla—itak man la nakita ti naidumduma a sonata a parnuayen dagiti kuerdas iti rondalla.

            Saan a nagpaudi ti nangatiw iti dance drama ken one-act play.  Adu gayam ti artista iti Ilocandia.

            Ket no kinasariwawek ti pagsasaritaan, umapalka iti talento dagiti ubbing iti panag-painting idi mabuya dagiti gapuananda.  Ubbingda pay nga agpayso, ngem addan kadakuada ti dara da da Vinci ken MichaelAngelo.  Ti panakaited ti sertipiko ket naiballa-ballaet iti programa.

            Kaudian kadagiti nagparang ket dagiti nangabak iti drum and lyre.  Arigna ribbaen dagiti drums and lyre ti Candon Civic Center.  Rinekpanda ti programa a nangayed ken narambak.  Pinagbalinda ti programa a di naidumduma kadagiti nangayeg a fiesta ken festival.

            Iti pakabuklan, daytoy ti listaan dagiti nangabak:

  • On the Spot Painting (Elem)

1.      San Fernando City (La Union)        

2.      Urdaneta City (Pangasinan)           

3.      La Union                                            

  • On The Sport Painting (Secondary)
    1. La Union                                            
    2. Laoag City (Ilocos Norte)                
    3. Ilocos Sur                                          
  • Photo Documentation (Secondary)
    1. Pangasinan II                                    
    2. Candon City (Ilocos Sur)                 
    3. Ilocos Norte                                       
  • Charcoal Painting (Elementary)
    1. Laoag City                                        
    2. Candon City                                      
    3. Urdaneta City (Pangasinan)                       
  • Charcoal Painting (Secondary)

1.      Laoag City                            

2.      La Union

3.      Ilocos Norte               

  • Still Life Painting (Elementary)
    1. Ilocos Norte                                       
    2. Laoag City                                        
    3. La Union                    
  • Still Life Painting (Secondary)

1.      Ilocos Sur                              

2.      Pangasinan 2                                   

3.      La Union                                

  • Junk Art (Elementary)
    1. Candon City
  • Junk Art (Secondary)

1.      San Fernando City                           

2.      Pangasinan 2

3.      La Union

  • Collage Art (Elementary)
    1. San Fernando City
    2. Pangasinan 2
    3. La Union
  • Collage Art (Secondary)

1.      Vigan City

2.      Ilocos Norte

3.      Laoag City

  • Mosaic Art (Elementary)
    1. Ilocos Sur
    2. San Fernando City
    3. San Carlos City (Pangasinan)
  • Mosaic Art (Secondary)

1.      La Union

2.      Ilocos Norte

  • Mixed Art (Elementary)
    1. Urdaneta City
    2. Ilocos Sur
    3. Candon City
  • Mixed Art (Secondary)

1.      San Fernando City

2.      Ilocos Norte

3.      Ilocos Sur

  • Creative Writing Filipino (Elementary)
    1. La Union                                            
    2. Ilocos Norte                           
    3. Urdaneta City           
  • Creative Writing Filipino (Secondary)

1.      Dagupan City                                   

2.      La Union                                

3.      Ilocos Sur                              

  • Creative Writing English (Elementary)
    1. Pangasinan 2                                               
    2. Urdaneta City                                   
    3. San Fernando City               
  • Creative Writing English (Secondary)

1.      San Fernando City                           

2.      Urdaneta City                                               

3.      Dagupan City                                   

  • Choir Competition (Elementary)
    1. La Union                                            
    2. Ilocos Sur      
    3. Pangasinan 2                                               
  • Choir Competition (Secondary)                 

1.      Ilocos Sur                  

2.      Dagupan City                                   

3.      Urdaneta City                       

  • Vocal Solo (Elementary)
    1. Pangasinan 2
    2. Ilocos Norte
    3. Candon City  
  • Vocal Solo (Secondary)

1.      Ilocos Sur                              

2.      Candon City                                      

3.      Dagupan City                                   

  • Musical Instrument/Piano (Elementary)
    1. Ilocos Sur
    2. Laoag City
    3. Candon City
  • Musical Instrument/Piano (Secondary)

1.      Laoag City                                        

2.      Laoag City                                        

3.      Ilocos Norte               

  • Musical Instrument/String (Elementary)
    1. Laoag City
    2. Ilocos Norte
    3. San Fernando City
  • Musical Instrument/String (Secondary)

1.      Ilocos Norte

2.      San Fernando City

3.      Laoag City

  • Musical Instrument/Winds
    1. Laoag City
    2. Ilocos Sur
    3. Ilocos Norte
  • Musical Instrument/Percussion

1.      Ilocos Norte

  • Rondalla
    1. Pangasinan 1                                   
  • Dance-Drama (Secondary)

1.      Pangasinan 2                                   

  • Dance Drama (Elementary)
    1. Vigan City
    2. Ilocos Norte
    3. Ilocos Sur
  • Traditional Folk Dance (Elementary)
    1. Urdaneta City
    2. Candon City
    3. La Union
  • Traditional Folk Dance (Secondary)

1.      Pangasinan 1

2.      San Carlos City

3.      Ilocos Sur

  • Contemporary Dance (Elementary)
    1. La Union
    2. Laoag City
    3. San Fernando City
  • Contemporary Dance (Secondary)
    1. Laoag City
    2. San Fernando City
    3. Ilocos Norte
  • Traditional Music Ensemble (Elementary

1.      Ilocos Sur

  • Traditional Music Ensemble (Secondary)
    1. Ilocos Sur
  • Drum and Lyre (Elementary)

1.      San Fernando City

2.      La Union

3.      Ilocos Sur

  • Drum and Lyre (Secondary)
    1. Candon City
    2. Ilocos Sur
  • One Act Play (Secondary)

1.      Candon City

 

            Iti pakabuklan, dibision ti Ilocos Sur ti champion iti rambak, maikaddua ti La Union, maikatlo ti San Fernando City, ken maikapat ti Ilocos Norte.  Iti elementary level, umuna ti Ilocos Sur, sinaruno ti La Union, San Fernando City ken Ilocos Norte; iti secondary level ket umuna ti Ilocos Sur, sinaruno ti Laoag City, Ilocos Norte, ken Pangasinan 1.

            Kas kinuna ni Dr. Josefina Tamundong, agdama nga assistant regional director ti Department of Education ti rehion uno:  “Daytoy ti gundaway nga inpeksatayo ti karirikna babaen iti arte. Ti arte ket isu ti kangatuan a panangipeksa iti tagtagainep, gagem ken arapaap ti tunggal tao.”

            Kadagiti nangabak, awan ti makaartap iti dayaw ken pammigbig a nagun-odda ta naipakitada ti abilidad ken talentoda.  Ti bannog, puyat ken gastos gapu iti panagsanayda iti mano nga aldaw ket binayadan amin ti sertipiko ken tropeo a nagun-odda.

            Kas kinuna ni Mr. Benny Orlando Cruz, ti conductor-trainor ti rondalla ti Pangasinan NHS, inpapusoda ti nagsanay, preparasion, sakripisio tapno laeng napintas ti panangipabuyada iti rondalla.

            “Ang music, masarap pakinggan… pero mahirap gawin.” 

            Manmano itan ti rondalla, ngem kas kinuna ni Mr. Cruz, adu kadagiti estudiante ti addaan iti talent, ket addan kadagiti mangisursuro iti mang-develop ditoyen. 

            Kastoy met laeng ti kinuna ni Mrs. Rose Radin, ti coach San Juan Central School ti San Juan La Union a nangabak iti choir competition iti elementaria.  Praktis a mamindua iti inaldaw agingga a maala ti perpeksion iti kantada.  Soprano 1, Soprano 2 ken Alto, daytoy ti napagdadanggay a boses tapno dayawen isuda dagiti hurado.

            Kasla saan met a napaay dagiti mangimatmaton iti Music and Arts iti rehion, agsipud ta iti panakipatpatang kenni Dr. Miriam Najera,, nga isu ti education supervisor II iti DepEd, inladawanna ti pasken: “Nangayed!”

            Kas kinuna met ni Mr. Bernardo de Guzman, iti Pangasinan Division, balligi met laeng ti programa.  Napintas ti performance, nangato ti level nga inpakita dagiti estudiante.

            Idi damagen no adda namnama iti national competition, sinungbatanna a kas maibasar iti inpabuyada, adda namnamaen ni Ilocano a pangabakan iti daytoy umay a Philippine Art Festival.

            Ala, sapay koma ngarud ta saantayo mapaay iti daytoy gagemtayo iti umay Philippine Art Festival.  Uray ket naipabuyan dagiti kakailiantayo ti laingda iti amin a benneg ti arte: kanta, sala, pinta ken teatro.  Di bumurong ngarud, nga itandudotayo ni Saluyot iti benneg ti Arte.

            Di met, ngamin, mailibak, a ni Ilocano, sipud pay idi, ket addan nga agtartaray kaniana ti kultura ti biag.##

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s