Stone Man: Dagiti Agbibiag Iti Bato II

image012Iti agdama, ditoy ti pakasarapsapan, pakalinisan, pakapintasan ken pakasalapsapan kadagiti bato a naala manipud iti bantay. No masarapsapanen, mai-displayton iti paglakuan iti igid iti kalsada tapno magatang.  Dagiti kaadduan, kas koma dagiti baldosa, ket mai-deliveren iti nanggatang manipud iti dealer.

No dagiti gilingan, almires, gilingan ken dadduma pay, aramidenda ditoy tapno maidisplay iti paglakuan.

Ngem agsipud ta kadagitoy a gundaway, mas in-demand ti baldosa, ad-adda ngarud a makita dagiti bumarangay nga agsalsalapsap wenno mangpalpalinis kadagitoy.

Maysa kadakuada ni barangay kagawad Armando Esquivel ti barangay San Pablo.

Imet ti pagsarapsap a natadem a paet a mulye, maso ken martilio, mangpili iti bato ket ditan a palinisenna.  Un-unaenda a palinisen ti rabaw ken uneg ti baldosa babaen iti panangikkatda kadagiti timburogna iti bato, nakaro ti kersangna ken panangleveln iti rabawna.  Itubaynanton iti napintas a panagkuadradona.

Idi nadamag no kasano kabayag a palinisenda ti maysa a baldosa, kinunana a depende no kasano ti kapuskol ken binggasna.

“No makapuntaka iti adda binggasna a pakapisian ti bato, siguro iti uneg iti maysa nga oras ket dua agingga tallo.”

Nupay kasta, no dadduma ket adda napuskol, ket masapul a mabawasan kas maibasar iti rukodna, medio nabayag laeng ta masapul a latlatanda babaen iti paet, nasurok tallo minutosda a palinisda daytoy.

Depende iti kadakkel ti sarapsapenda, tunggal maysa a mapalinisda ket manipud P10 aginga P50.
Kayatna sawen daytoy, no ti kabassitan a baldosa ti sarapsapanda, ket sangapulo pisos ti maysa, adda laeng sangagasutna iti maysa aldaw.

Ti dadduma kadakuada, tinawidda pay kadagiti tatang wenno apongda ti kastoy a panagsukog kadagiti bato.  Nasursuroda ket isudan ti nangituloy.  Agsipud ta idi, awan pay ti baldosa, ad-adda idi nga agaramidda iti alsong, gilingan a bato, almires ken dadduma pay.

Kas kenni Loreto Gaoat, maysa met laeng a kagawad, kinunana nga inkakaubinganna ti nagar-aramid iti ti kul-ong, gilingan, almires ken dadduma pay.

Kinapudnona, nagar-aramid payen iti bath tub ken naduma-duma a kita ti rebulto ken porma ti bato.

“Inkakaubingak ti nagaramid agingga ita.”  Kinunana.

Kas iti panagalaan, mano-mano laeng met ti trabahoda.  Agsadag iti bisked ti bagi ken agtedted ti ling-etda iti daytoy a trabaho, ti ti panagsarapsap ket saanna kasapulan ti makina.

“Adda idi grinder, ngem saanna masimpa nangruna dagiti bukol ti bato.”
Inlawlawagda a malaksid a nabaybayag la ngaruden ti panagpalinis ti bato, makuna a saan unay epektibo pay.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s