Dagiti Tumitiktik Ti Bato III

No lumabaska iti national highway a sakupen ti barangay San Pablo, San Esteban, maay-ayoka laketdi a gumatang kadagiti nakaplastar a lakoda. Kinapudnona, agsumbangir ditoy ket manmano ti awan plastarna iti batogna a balay.

Adu ti aggatgatang, nupay makuna a nanginnginan agsipud ta puesto metten ti pakailakuanna. Ngem no kadagiti agsarsarapsap ket mabalin a nalaklaka. Nalaklaka manen no kadagiti agkalkali iti bantay ti paggatangan.

Sumagmamano kadagiti lakoda ditoy ket nakadanonen iti ballasiw-taaw. Adda dagiti foreigner ken kakailian a manggulpi. Ket malaksid kadagiti direct buyer, adda dagiti pang-eksportda ken adda pay dagiti contact buyerda.

Idi napartuat dagiti makina, nangruna dagiti pagkiskis, ket awanen ti aggatang ti alsong, adu kadagiti agindeg ditoy ti nagdanag agsipud ta impagarupda nga agsardengdan. Ngem iti panagpukaw ti alsong, simmublat ti baldosa nga ad-adu gayam ti agbalin a kustomerna.

Ngem nupay adu latta gumatang, pagdandanagan dagit tumitiktik, agsarsarapsap ken aglaklako a saanen nga agbayad daytoy nga industria.
Iti inaldaw a panakakalkali kadagiti bato iti bantay a pagal-alaanda, maib-ibus met daytoy.

Kas kuna ni kagawad Armando a saan met ngarud agtubtubo ken dumakdakkel dagiti bato iti bantay.

“… saanen nga agbayag ket maibusto ngatan.” Kinunana.

“Apo, koma ket agtubo pay (ti bato),” kinuna met ni Tang Benjamin.

Kinapudnona, adda pay mangibaga a lima tawen laengen daytoy nga industria nupay adu ti mamati a napapaut pay.

Wen pudno, mabalin a nabiit laengen ti biag daytoy nga industria, ngem kas iti bato a kitkitikitanda, ti obra maestra a nagdalan iti imada, manipud iti panangkali-panangisalog iti bantay, panangsarapsap ken panangsukog iti naidumduma a langa-agtaginayonto dagitoy iskultura dagiti adipen ti arte iti deppaarna ti amianan.

Ket agpapan kadagitoy a gundaway, kasla mangmangegko pay laeng dagiti taniktik dagiti landok iti bantay ti Tagaytay ken iti igid ti baybay ti San Pablo.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s