Jenny Aguiner, Ilocandia Idol Grand Champion

jenny janeILOCOS SUR. Ti balasang a tubo iti Caoayan, Ilocos Sur ti nagkampeon iti Ilocandia Singing Idol Season II finals a naisayangkat iti Vigan Gymnasium idi Mayo 6, 2009.

Nupay naitantan ti panakapili iti lima a finalist manipud iti sangapulo ket maysa, reprep latta dagiti nagbuya iti dayta nga aldaw.

Ti nagkampeon ket ni Jenny Jane Aguiner iti Caoayan, Ilocos Sur.  Inyalatna ti P100,000 a premio ken ti scholarship grant iti Ryan Cayabyab School of Music.

“Sobra a ragsak ko po ita nga aldaw ta nangabaknak… diak inexpect a mangabak… ti ammok a mangabak ket ni Miss Vanessa Absing ta nagmayat ti performancena.”  Dinakamatna bayat iti interview kenkuana.

Imbagana pay nga agpappaparaw isuna iti aldaw a panakaisayangkat ti finals.

“Naglalaok ti inpapainom kaniak ni lolangko, pinainomnak ti tubbog ti oregano, pinakannak ti gawwed.”

Ngem gapu iti determinasionna ket dita a nagkampeon isuna.  Nagbalin nga inspirasionna ti pamilia iti panangkanta iti “Listen” ni Beyonce Knowles.

Idi nadamag no pangipananna iti kuartana, imbagana nga ipasimpana kano ti balayda ta di pay nalpas.

Mismo a ni Maestro Ryan Cayabyab ti maysa kadagiti nagbalin a judge a nangpili kadagiti lima a finalist manipud iti sangapulo ket dua.

Dagiti dadduma a nangabak ket da Vanessa Absing iti Santo Domingo, Ilocos Sur a nangiyalat iti P60,000; ni Jolethe Bueno a nangiyalat met ni P40,000; 4th prize ni Kenley Filarca iti Magsingal ken ti 5th prize ket ni Frances Gia Gazmen iti Narvacan.

“Maragsakannak iti balligi ti Ilocandia Singing Idol.  Definitely, addanto manen ti Season III, ket napinpintasto pay ti mabuya dagiti kaprobinsiaan.” Kinuna ni Bokal Zuriel Zaragoza.

Ni Zaragoza ti nangiwayat ti talent search a daytoy ket naisayangkat iti uneg iti dua a bulan ken naisayangkat ti elimination iti naduma-duma nga ili ken siudad iti Ilocos Sur.

Ti Finals ket maisayangkat koma idi May 5, 2009 iti maudi a rabii ti Viva Vigan Binatbatan Festival of the Arts idiay Plaza Burgos, ngem agsipud ta nagtudo iti napigsa, naisanud ti panakaiwaragawag iti lima a finalist ket naisayangkat daytoy iti kabigatanna.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s