DZTP Outreach Program Iti Lingaoa

Iti agtultuloy a gagemna a makaipaay iti tulong nangruna kadagiti lugar nga adda iti nasulinek, insayangkat manen ti DZTP ti Outreach Program babaen iti panakitinnulong ti Citizens Invovlment and Services (CIS) ken ti DZTP Club 693 idi Mayo 23, 2009.

Iti daytoy a gundaway, naisayangkat daytoy iti sitio Lingaoa, barangay Pidpid, Santa Cruz, Ilocos Sur.

Ti lugar a literal a masarakan iti tuktok ti bantay, ket masapul nga umulika iti desdesna iti nakurang dua nga oras manipud iti karayan a masarakan iti Pidpid. Kabayatanna, iti panagawid ket pasalog met amin ti daliasaten.

“No mariknam ti rigatmo nga umuli, isu met ti pakariknaantayo a narigrigat gayam ti panagbiagda, gapuna a rumbeng laeng a danonentayo ida ken tulongan,”kinuna ni Arlon Serdenia, station manager ti DZTP Radio Tirad Pass.

Indauluan met ni Maricon Espejo ti CIS kabayatanna a ni Ofring Saldevar met ti nangidaulo iti Club 693. Karaman pay nga immuli ni CandonCity Information Officer Leoncio Balbin, Jr.

Dua a karton nga ag-agas, relief goods, seedlings, used clothes ken tsitsiria para kadagiti ubbing ti inawat ti nasurok 20 a katao a grupo.

Nayawat daytoy iti 18 a pagtaengan, ket awan ti nalablabsan kadakuada.

Kabayatanna ti programa, timmakder ti maysa a baket ket nagsao daytoy.

“Impagarupko no awan ti kastoy… adda gayam. Agyamankami unay ta tinulonganyo toy nakurapay a kasasaadmi.” Kinunana.

Iti balikas ti baket, nabang-aran ti grupo ket kasla napukawen ti amin a rigat a linak-am iti panagdaliasat tapno madanon ti Lingaoa.

Sakbay iti Lingaoa, immun-unan a naisayangkat ti Outreach Program ti DZTP iti Kinbilibil, Daligan, Santa Cruz; Cangao, Tiagan, San Emilio ken Battawang, Dinwede West, Cervantes.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s