Day Care Of Battawang

DSC09821

Saan a dakami ti matmatanyo, no di ket ti kubo nga adda iti likudanmi.  Mamati kayo kadi a dayta a pasdek ket maysa a pagadalan.

Dayta ti Battawang Day Care Center. Nakalkaldaang ngem kasta ti situasion ti edukasion iti kabanbantayan. Idi damo ngarud a nakitak, impagarupko nga agamang laeng… ngem gayam.

Ngem dagiti ubbing ti Battawang ken kaarubana a sitio ket an-anusanda ti agadal ditoy tapno mayadayoda iti kinanengneng.  Dagitoy koma ti ikkan met importansia ti gobierno, saan laeng laeng dagiti adda iti baba no di ket purwakanda met dagiti pagadalan iti banbantay a kangrunaan a maikkan iti rangtay iti agdama a panagbiag.

Daytoy ngamin ti maysa kadagiti ik-ikkak importansia tunggal mangisayangkat kami iti outreach program kadagiti lugar nga adda iti gingginget ti banbantay.

Adda dagiti interviews ko kadagiti mangisursuro a masapul a magna iti uppat nga oras tapno laeng maisuro ti pagadalan nga adda iti lengleng a lugar.  Ti dadduma a pagadalan, maymaysa ti maestrana, ngem ti isurona ket manipud grade one agingga grade six.  Ti dadduma kadakuada ket pagtipunanna ti dua a grade school iti maysa a kuarto, bayat nga aglecture iti grade 1 (kas pangarigan), agpaaramid ti activity iti grade 2.

Kadagiti sumaganad a postek ditoy, ipabliskonto dagiti sumagmamano nga interviewsko kadagiti sumagmamano a lugar a napnapannanmi maipanggep iti rural education and rural living.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s