2 Natay, 40 Victim Ti Dengue

San Emilio, Ilocos Sur.Nagbalin nga alarming ti kaso ti dengue itoy nga ili kalpasan a dua ti natay ken immabot iti nakurang 40 ti nabiktima iti uppat a barangayna.

Maigapu iti daytoy, nagbalin nga alarming daytoy ket naisayangkat ti inaldaw a fogging operation nangruna iti barangay Tiagan ken Luancas nga ayan ti dua a natay.

Daytoy ti naammuan kenni Janet Pascua, sanitary inspector iti daytoy nga ili bayat iti panakipatpatang kenkuana.

Iti barangay Lancuas ket immabot iti 18 ti nabiktima ken 1 ti natay kabayatanna iti barangay Tiagan ket 15 ken 1 ti natay, iti barangay Cabaroan ket maysa ken iti San Miliano 1.

“As of now, it is already under controlled,” kinuna ni Pascua idi nadamag no adda pay dagiti simmaruno.

“Nagbalin nga inaldaw ti fogging operation, house to house iti by barangay.”
Innayon ni Pascua a gapu iti ayatda a mapengdan daytoy, agrubbuatda iti 4:30 iti bigbigat tapno makadanonda iti area iti alas singko iti parbangon. Kastanto met laengen iti malem.

“Uray Saturday ken Sunday wenno holiday ket saanmi nga indaen, ayatmi laeng a saan a manayunan ti kaso iti San Emilio.”

Kinunana pay a manipud idi May 15 a nag-inaldawda iti fogging operation. Agraman kadi insayangkatda ti information dissemination nangruna ti panagdaldalus iti aglawlaw a pagbalayan ti lamok.

“Pagyamanan ta full supported ti opisial ti ili, idi nag-requestnak iti funds, naka-purchasekami iti agas, agraman ti krudo ken kasapulan ti transportation.”

Daytoy ti umuna a gundaway a nakapadas ti kastoy a kasasaad ti San Emilio, ket uray ti sanitary inspector ket dina matukod no apay a naaddaanda iti kastoy a kaso.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s