DZTP Outreach Program Iti Kinmarin ken Boguibog

kinmarinNagtudo… ngem ad-adda ket ngarud a pinangayedna ti rikna dagiti agarup tallopulo a volounters a nakipartisipat iti DZTP Outreach Program iti barangay Boguibog, ken Kinmarin, Salcedo, Ilocos Sur.

School bags a naggapu kenni gobernador DV Savellano, school supplies manipud kada Engr. John Garcia ken ti Santa Cruz/Santa Lucia Riders, ag-agas manipud iti Citizen Involvement and Services, relief goods, used clothes ken dadduma pay ti naawit a danonen ti nakurang 20 a kilometro a masarakan iti kabanbantayan ti Ilocos Sur.

Indauluan ni Station manager Arlon Serdenia, da Maricon Espejo ti CIS, engr. John Garcia ken dagiti dadduma pay a volounters kas koma ni Felix Gabatino iti traffic ti Candon ken Bantay Barangay.

Adda pay laeng iti Bugbuga, Santa Cruz, saanen a nakauli ti trak ti RA 7171 ti probinsia ta nagalis kano ti dalan. Ania pay ngarud, bumagkaten iti karton ken rugianen ti magna.

Idi nakadanon iti barangay San jose, nee, adda dagiti aglako ti tinapay, fish ball, ice cream ken dadduma pay.  Kastoy sa ti rikna kalpasan ti pannagna iti nakurang maysa nga oras.

Idi rugian ti sumalog iti San jose, nasabetmin ti jeep a tinawagan a mangilugan kadakami agingga iti Boguibog.  Uy, apay ngata a kaykayatda nga aglugan iti tuktok ti jeep ngem iti uneg.

Gayam, idi nakadanonen iti karayan, nagpintas met ti view ti aglawlaw, adda babassi a water falls ken adda met darakkel.  Adda ti napegges a karayan a masapul a daliasaten ti jeep. Adda dagiti aglulubnak a baka, nuang ken uray tao.  Idiayak koma met ngato!

Idi nakadanon iti Boguibog Elementary School, nai-coordinate kenni Madam Lilia Valdez a principal, ket rinugian ti panagited ti school bags ken school supplies iti Day Care ken Grade 1.  Merienda biit ket masapul nga umuli gayamen iti Kinmarin ken Kincoop.  Ti Kincoop ket maysa a sitio ti Kinmarin nga isu ti ayan ti Kinmarin primary School.

Kania-kania bagkat manen.  Adda ti lupot, papel, innapuy, sidaen, kalendario ken dadduma pay.

Mayat ti damona, malabsan dagiti agraraep iti dyatoy a tiempo.  Kas koma kadagiti soldado a nakabase iti Boguibog ket agraraepda kadagiti kaarruba.  Ngem nee, kunada met nga iti dadduma met a lugar ket adda met dagiti NPA a makiraraep met.

Adda pay dagiti falls a nalabsan.  Adda maysa a hanging bridge.  Ngem nee, kalpasan ti maysa nga oras a panaguli, kasla di metten maungpot ti panagsang-aten.  Narigrigat metten ngem iti Lingaoa ken Battawang nga immun-una a nauli para iti Outreach program.

Aysus, every 100 meters inana metten.  Apay ngay a kasla rimmigat ti immuli iti bantay.  Umad-adayo sa me ti Kinmarin bayat nga umas-asideg kami.

Adda pay nagkuna:  “Kalpasan ti Kinmarin, ulientayonto pay ti Kincoop,” ad-adda ket ngarud a kimmapsut ti rikna.  Adda pay nagbetted ti sakanan.

Kamaudiannanna, nadanon ti bassit ngem napintas a lugar ti Kinmarin.  Adda ditoy dagiti ubbing nga awan sa pay 50 ti bilangna manipud grade 1 to 5.

Narugian nga insigida ti gift giving: bags, school supplies, lupot, agas, kalendario… nee, adu pay ti nabati.  Ahu, itedtayo ket aminen ditoy Kinmarinen ken Kincoop.

Kinuna ti maysa a teacher a nainterview: Agyamankami unay ta daytoy talaga ti maysa kadagiti problemami, dagiti school supplies, ta adayo unay ii baba a paggatanganmi.

Kaan ngaruden: wow, nagimasen ti pickles nga utong ken rabong.  Uray awan manen innapoyna daytoyen.  Baam man ta kunada nga alingo a karne ti baboy, naim-imas daytoy.

Kasla napukaw ti bannog kalpasan ti pannangan, ta ania aya ta naimas a taraon.

Estoria kadagit lumugar man pay, santo awid.

Ngem idi agawiden, agtudo metten, kasano daytoyen:  “Mayat, agkalintudotayo aminen.  Wet look.”  Impug-awda man.  Uy, mayat sa ketdi nga usarek ti shadesko.  Adu ket ti babbalasang a kadduami, he he.

Bayat iti panagsalog, agsipud ta nagalis, adu ti nasuksuk-baka.  Ni kagawad Loida Pallones, ni Anniesha, ni tang lakay ti CIS ken addu pay.  Ngem baam man ti panakasaltek, ti napateg ket ti agtudtudo a panagawid.

Ket nee Felix, inawitnan ta nagsat a tsinelasna.  Uray siak mam met, awitekon toy sapatosko.

Alas tres, nakasalog iti Boguibog, alas singko ket ditoy Candon.

Okay lang a nasakit ti bagbagi, nakitak met ti raniag iti mata dagiti ubbing a naikkan iti bags ken papel iti dayta a nalengleng a lugar.

Sadino ngata sumaruno? Awts!

One thought on “DZTP Outreach Program Iti Kinmarin ken Boguibog

  1. Pingback: DZTP Outreach Program 5 « Dztp’s Weblog

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s