Presidente Cory Aquino, Pimmusayen

tita coryPimmusayen ni sigud a presidente Corazon ‘Cory’ Aquino, ti idolo ken pagtamdan a lider iti Pilipinas.

Ni Aquino ket pimmusay agarup 3:18 iti bigat iti aldaw ti Sabado gapu iti cardio-respiratory arrest, daytoy ti kinuna ti anakna a ni senador Benigno Aquino III.

Agtawen iti 76 anios, nakita ti sakitna a colon cancer idi napalabas a Marso 2008 ket naag-agasan babaen iti chemotherapy.  Idi napalabas a bulan ti Mayo, naoperaan isuna ket naikkat ti sumagmamano a paset ti colonna sa naipan idi Hunio idiay Makati Medical Center gapu iti loss of appetite.

Manipud idi nayuneg iti ospital, saanen a pimmantas ti kondisionna ket nagkaykaysa dagiti umili iti pagilian tapno tulongan isuna babaen iti panagkararag, misa, panangibitin iti yellow ribbon ken dadduma pay.

Idi 1986, suotna ti signature yellow a paboritona a kulay, indauluanna ti dagiti rally ken protesta kas pangrugi iti 1986 People Power a nanggibus iti 20 a tawen a panangidaulo ni sigud a presidente Ferdinand Marcos.

Ni Marcos ti itudtudona a nangpapatay iti asawana a ni sigud a senador Benigno ‘Ninoy’ Aquino, Jr. idiay Manila airport idi agsubli daytoy iti exilena idi 1983.

Nupay iti damona ket adda ti panagkedkedna a sumango kenni Marcos iti eleksion, ngem kalpasanna ket nagbalinen a maysa nga icon isuna ti demokrasia iti intero a lubong.

Ti Time Magazine ti nangnagan kenkuana kas Woman of the Year idi tawen 1986.

Bayat iti panagtakemna kas presidente, pakairamanan kadagiti gapuananna ket dagiti sumaganad:

Panakawaya-waya iti 500 a political prisoners, panakabukel iti 1987 constitution a nangsukat iti Martial Law era 1973 constitution. Daytoy metten ti nangisubli iti demokrasia kas koma nawaya a panagbotos, bicameral congress ken ti independente a Korte Suprema. Nakasubli ti ekonomia iti panagtugawna babaen iti nangato a GDP. Nupay kasta, gapu iti kudeta, napaut a blackouts ken panakaapektar iti ekonomia ti US, bimmaba met laeng daytoy. Naipasa ti Comprehensive Agrarian Reform Program (CARP).

Kalpasan iti panagtakemna kas presidente, nagbiag isuna kas pribado ket maysa kadagiti kangrunaan a nagturonganna ti painting babaen iti paborito a subjectna a sabong ken babbai.  Nakipaset pay isuna iti exhibits ken advocacy kas koma iti Senator Benigno S. Aquino, Jr. Foundation, PinoyMe, ASA Foundation, ken People Power People.

Idi Enero 2001, nakipaset isuna iti maikaddua nga EDSA Revolution a nakapatapuakan kenni sigud a presidente Joseph Estrada, gapu iti akusasion kenkuana a plunder.

Idi 2005, sinuportaran ni Aquino dagiti grupo ti cabinet secretaries a naglusulos gapu ii kontrobersia ti “Hello Garci” wire-tapping scandal.  Nakipagmaymaysa isuna iti oposision tapno papanawen iti Malakanyang ni Presidente Gloria Macapagal Arroyo nupay saan a nagballigi.

Sinuportaranna ti yaalsa da Marine Col. Ariel Querubin kabayatan iti stand-off dagiti Marines iti Marine headquarters idi 2006.

Idi napalabas a tawen, sinuportaranna ni NBN-ZTE whistleblower Jun Lozada.

Inwaragawagna pay ti panagbabawina iti panagsuportar iti EDSA II gapu kadagiti nagkaadu a kontrobersia iti administration ni Arroyo.  Iti dayta a gundaway, dimmawat daytoy ti despensa kenni Estrada.

Sakbay a natay, adu kadagiti umili ti nagkaykaysa a nangiwaragawag iti suporta kenkuana pakairamanan iti panakaisayangkat iti adu a misa ken kararag kas panangipakita iti panangipateg iti maysa a presidente nga inay-ayat dagiti umili iti Filipinas.

One thought on “Presidente Cory Aquino, Pimmusayen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s