2nd International Candonian Reunion

Maisayangkaten ti matagtagiuray a 2nd Candonian International  Reunion a daytoy ket maisayangkat idiay Las Vegas, Nevada intono October 9 to 11,  2009 iti Gold Coast  Hotel and Casino.

Idi tawen 2006, naisayangkat ti umuna a panagtitipon a pinartisiparan ti nasurok 500 a Candonians agraman dagiti gagayyem ken dadduma pay a bisita manipud iti naduma-duma a paset ti lubong. Daytoy ket inisponsoran ti Candonians of Southern California iti panangidaulo ni Maricar Bello. Ti INCARI 2006 ket maysa a balligi.

Ti INCARI 2009 ket isponsoran ita dagiti tallo a darakkel nga asosasion dagiti Candonians iti mainland USA: Candonians of Northern California, Inc. nga idadauluan ti presidente a ni Edward Bragado; ti kabarbaro nga organisasion Candonians of Las Vegas, Inc, nga idadauluan ni Manuel Carino; ken ti Candonians of Southern California, Inc. nga idadauluan met ni Lilia Ramos Alog—isu met laeng ti Overall Chairperson. Kabayatanna, dagiti Candonian organizations iti Hawaii, Toronto, Vancouver, Midwest, Hong Kong, Greece ken The Netherlands ket makipaset met iti daytoy a pasken.

Manglukat ti INCARI 2009 babaen iti cultural presentations ken entertainment numbers iti rabiina babaen kadagiti talentado a Candonians manipud iti naduma-duma nga organisasion. Inisponsoran met ti Candonians of Northern California,Inc. ti maysa a buffet dinner a sarunuento ti all-night dancing.

Iti maikaddua nga aldaw, isponsoran ti Candonians of Southern California, Inc. ti maysa a Bowling Tournament babaen iti panangi-coordinate ni Richard Gallardo, Jr. ken Rudy Briones. Daytoy nga aldaw ket naireserba para iti panagtitipon ti pampamilia, aggagayyem ken agkakaadalan idi. Daytoy naisina a programa ket naorganisar dagiti maseknan nga organisasion.  Ti Gala Night ti kangayedan nga aktibidad ti INCARI 2009, ket agbalin a formal evening affair, formal dinner, entertainment number ken ball room dancing.

Iti maikatlo nga aldaw, isponsoran met ti Candonians of Las Vegas, Inc. ket marugian met babaen iti nasapa a misa babaen iti panangmisa ti maysa a padi a Candonian. Addanto pay breakfast buffet a sarunuen ti plenary meeting.  Amin a makipartisipar ken presente ket namnamaen a makitabuno iti taripnong tapno mapagsasaritaan dagiti pagsayaatan ti organisasion ken tunggal maysa.

Addanto Souvenir Program a maaramid a pakalaglagipan ti pasken.

Para iti ad-adu pay nga impormasion, mang-download laeng ti flyer iti www.tagacandon.com

One thought on “2nd International Candonian Reunion

  1. candonians association active pay kad?ex ofw ak t hkong dkami ti nag buo dyta under mr robert reynante .(president} thanks

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s