Ambassador Leoncio Cardenas, Jr: Baro a Konsul Heneral iti Phil. Consulate – Honolulu, Hawaii

Amado I. Yoro
08/05/2009

Naimbag a panagsublim ken isasangbay Apo Jun Cardenas!

No ar-arigen, saanna pay a naikkat ti sapatosna a bimmaba iti eroplano, idi dagus a sarabuen dagiti dati ken nasinged a gagayyemna idi nakasangpet iti Hawaii idi Hulio 28, 2009.

Kaudian a nagpaayanna ti Foreign post iti Embassy of the Philippines, Dili-Timor-Leste a nagpaayanna a kas Ambassador Extraordinary & Plenipotentiary.

Iti baro a Tour of Dutyna, agpaay kas baro a Konsul Heneral iti Honolulu kas kasukat ni Ambassador Ariel Y. Abadilla a naidestino iti Embassy of the Philippine, iti Ireland.

Pakairamanan kadagiti simmarabo da dati a Rep. Ben Cabreros; UFCH President Eddie Agas, Sr; ken Mrs. Aurea Agas, OFCC president Danny Villaruz, Mary Cordero, Alice Busmente a mangibagi ti Fil-Am Courier, UFCH Board of Governors: Amado Yoro ken Philip Alcain, Sonia Lugmao Aranza ken Danny Aranza, ken dadduma pay.

Naangay ti maysa a get together iti pagtaengan da dati a Rep. Jun Abinsay ken Dra. Elizabeth Abinsay.

Saan a ganggannaet ni Consul General Cardenas iti Honolulu. Nagpaay a Consul idi 1985. Iti isu met la nga isem ken singedna a makipatpatang, ti laeng edadna ti nagbaliw. Isu pay laeng ti takder ken taerna. Kayatna latta ti agsida iti nabugguongan. Agduyos iti musika ket kasta unay la ket ngaruden ti aweng ti piano idi tinokarna ti “Monalissa” ken ti “Dahil Saiyo”. Nabatad latta iti panagsaona iti Iloko.

Nabaknang ti padas iti tay-ak ti Foreign Service. Nalawa ti lubongna itoy a diplomatic career. Nagpaay a Third Secretary & Vice Consul iti Embassy of the Philippines idiay Washington, DC, 1982; Minister & Consul General, Embassy of the Philippines, Ottawa, Canada, 1990; Minister & Consul General, Embassy of the Philippines, Brasilia, Brazil, 1994; Deputy Consul General, Philippine Consulate General, San Francisco, California, 1999.

Nagpaay pay ‘toy anak ti Badoc, Ilocos Norte, Philippines kadagiti sumaganad nga opisina iti Department of Foreign Affairs:

*Office of Personnel & Administrative Services
*Office of Economic Affairs
*Office of Asian and Pacific Affairs
*Office of European Affairs
*Office of Fiscal Management & Services
*Office of American Affairs

Nalpasna ti Bachelor of Science in Foreign Affairs iti University of the Philippines, 1965; Masters iti Business Administration, Sans thesis, Letran College, Manila, Philippines.

Kaudian nga assignmentna iti Home Office kas Assistant Secretary, Office of American Affairs.

Adu ti panggepna nga irusat iti kaaddana iti Honolulu. Kitkitaenna ti nasingsinged a kammayyet ti komunidad, iti man Filipino, Ilokano, Tagalog, ken ania man a sektor iti komunidad. Napateg kenkuana ti pudno nga espiritu iti diplomatiko a lubong, ken ti pannakatagiben ti pudno a kultura ken tradision a Filipino.

“The Consulate is open for everyone. Please feel free to call our office…”.

“As a representative of the Philippine government here in Honolulu, Hawaii, I am here and my staffs to provide any assistance that we can provide”

Umuna nga opisial a nagparangna iti gimong dagiti Filipino kas Consul General idi pasken ti Kalayaan Philippines Hawaii, Huwaran Award night idi Hulio 31, 2009 iti Pacific Beach Hotel.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s