Ikkis Ti Candon: Marso 25, 1898

Virgilio S. Naungayan
Darapidap, Candon City

Lumabas dagiti tugot iti lanitok dagiti basnot
Iti panawen ti kullayot umukuok nga ut-ot
Rienda ti dangkok alimpatok ti kinarungsot
Gabsuon a tuok nagtalimudok a nakasiglot.

Nagumok dagiti dingraw, kumaw ken bakulaw
Iti ili nga inagaw ginamsaw pati kinapanglaw
Timek ar-araraw nagtagawataw a dung-aw
Nagintek ti am-ammangaw kimmubawbaw ti aligagaw.

Kutkutiman a dagensen nariing dagiti nakem
A kemkem iti gemgem buneng a natadem
Aneng-eng awan buteng nabibinigen a saem
Wayawaya allangonen inadipen ti panawen.

Yaalsa nairubbuat iti lab-at dagiti tagbat
Ilalasat iti tay-ak nasiglat a mannakigubat
Ridaw nanarpaak nasigpasigpat dagiti gabat
Nalettat dagiti sigkat tallukap dagiti batibat.

Iti temtem nayatang kampilan ti sanaang
Nagalipaga ti beggang kaipapanan ti dangadang
Nagkulpa ti darang naganggagang ti dangadang
Init nagparang iti kaunggan ti kaltaang.

Mabukra a lagip maikunukon lukong kadagiti barukong
Rambak a puon mataginayon a panaguummong
Talna ken dur-as maibungon nagtipon a bendision
Ikkis ti Candon: daton iti sidong ti agnanayon.

3 thoughts on “Ikkis Ti Candon: Marso 25, 1898

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s