Claire Sumahit; Mannurat

Naam-ammok ni Ma’am Claire Aguirre-Sumahit bayat iti panakaisayangkat ti GUMIL  convention idi idiay Curimao, Ilocos Sur.  Ket nangrugi met ti panakaam-ammok iti literaturana iti saritana a Kilabban.

Maikaddua a panagsarakmi bayat iti panakaisayangkat ti taripnong ti GUMIL Filipinas iti mabangbangon a Balay Ti Gumil iti Suso, Santa Maria, Ilocos Sur.  Kadduana dagiti gagayyemna, naibagana idi ti panagpasiarda iti Pinsal Falls iti Santa Maria, Ilocos Sur ken ti simbaan ti Santa Maria a maysa a heritage site.

Linawas, rummuar ti salaysayna iti Bannawag.  Kuna dagiti agnanaed ditoy Candon a saan a makauma ken makaited inspirasion dagiti pablaakna.  Adda ti silaw nga ipaayna.   Manipud iti kapadasanna idi kinaubbingna ditoy Candon agingga iti panagpakpakadana.

Adu laketdi ti maikawa iti panagpakada ni Ma’am Claire. Pimmusay idi Agosto 17, 2009 iti tawenna a 70.

Pakairamanan kadagiti dinto aglumen a saritana a nabasbasa ket ti Kilabban, Ni Doktor Danny, Ni Ma’am Ela, Sagut, Resibo, ken Tagaang.

Naipasngay ni Ma’am Claire iti San Jose, Candon, Ilocos Sur idi Oktubre 6, 1938 sa nagnaed iti Baguio City ken ti pamiliana. Ti kaingungotna ket ni Wilfredo Sumahit a tubo ti Cabugao ken dagiti annakda: Olga Joy ken Brent Damatac; Ariel; Terry ken Joy; Hosanna ken Michael Chavez; Hadassah ken Timothy Fischer; ken Lemuel ken Ellen.

Nagserbi kas maestro iti High School Department iti University of Baguio ken nagsursurat pay iti Baguio Midland Courier.  Kameng ken opisial iti GUMIL.

Agyamankami kenka, Ma’am Claire.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s