School Of Living Tradition, Banayoyo

BANAYOYO, Ilocos Sur.  Iti maikaddua a gundaway, naisayangkat manen ti School of Living Tradition wenno pagadalan iti kannawidan ken kultura dagiti tribtribu iti barangay Naguimba itoy nga ili.

Naammuan daytoy bayat iti panakiuman-uman kenni Ms. Minerva Famorca, coordinator ti SLT-Naguimba, Banayoyo ken agdama a mangisursuro iti Naguimba Elementary School.

“Addakami iti phase 2, ket daytoy nangrugi idi Mayo agingga Oktubre 2009.” Kinunana.

Inlawlawagna nga iti SLT, kadawyanen nga isursuroda dagiti kankanta, sala ken panangtukar iti musical instrument ti tribu a Bago.

Iti daytoy a tawen, dagiti agbasbasa iti School of Living Tradition ket grade 2, 3 and 4.

“Iti agdama, adda ti 30 a naka-enroll iti SLT. Maisaysayangkat ti panagbasada iti aldaw iti Sabado ken Domingo.” Kinunana pay.

Kabayatanna, daytoy ket naponduan manipud iti National Commission on Culture and Arts nga addaan iti gagem a mangtaginayon kadagiti nagkauna a sala, kanta ken musika dagiti tribtribu.

Umun-unan ti panakaisayangkat ti SLT ditoy idi tawen 2006 nga itan ket high school students dagiti nagadal.

Kabayatanna, pakairamanan met kadagiti rebbengen dagiti estudiante ti SLT ti panangiparangarang ken panangipabuya daytoy  kadagiti okasion a mangipakita iti kultura ken kannawidan.

Maipalagip a tunggal Oktubre iti tinawen, maang-angay iti Begnas Festival a pakabuyaan ken panakadenggan kadagiti tadek, salidummay ken dadduma pay a sala ken kanta ti naduma-duma a tribu kas koma iti Bago, Itneg, Kankanaey ken dadduma pay.

Iti met bulan ti Desiembre, isaysayangkat met ti Candon City ti Tribal Festival ken iti bulan ti Enero ket ang-angayen met ti Ilocos Sur ti Kannawidan Festival.

2 thoughts on “School Of Living Tradition, Banayoyo

  1. Sapay koma ta umad-adu dagiti eskuela, mangisursuro ken agad-adal nga agduyos ken umasideg tapno maibilangda a kameng ti SLT; kasla im-impekon nga iti saan unay adayo a masakbayan ket maysanto ‘toy grupoyo a pagay-ayatan ken pagdidinnamagan dagiti kailiantayo a mangpadaan iti gundaway nga indakay buyaen saan la nga iti probinsiatayo no di pay ket koma ti entero a pagilian!

  2. Sapay la koma ta agtultuloy daytoy nga programa tapno agtalinaed ti tradisyon, kultura ken dialecto kadagiti kabarbaro nga kapututan ket saan ketdi nga mapukaw.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s