Ilocos Sur, Dinalapus Ni Pepeng

ILOCOS SUR. Agalas onse idi rabii ti Sabado idi marikna ditoy probinsia ti nadawel a saplit ti angin ken narugso a tudo ni Pepeng.  Signal number 3 ti probinsia ket agsagsagawisiw ti aglawlaw ken kumanapraak dagiti kayo.

Umun-unan a nagsagana dagiti naduma-duma a barangay, ili, siudad, ken probinsia kontra iti bagyo.  Kinapudnona, bayat a mangrangranggas daytoy idiay Cagayan nga umuna a natuparna, agsagsaganan dagiti opisial iti relief, rescue ken evacuation operation.

Kas koma ditoy Candon City, nairuar dagiti rubber boats, natinong ti Candon City Disaster Coordinating Council, ken nagrupo dagiti kameng ti gobierno, militar, pulis, firemen, ken dadduma pay a volounters tapno kitaen ti pagimbagan dagiti umili.

Iti inisial a report mainaig iti resulta ti bagyo, naaddaan iti landslides iti Banaoang a nakaigapuan tapno stranded dagiti lugan nga aggapu Vigan ken Laoag City.  Napilitan dagiti tattao a magna ken bumallasiw iti Abra river on foot.

Iti agrikultura, kaadduan kadagiti pagay ti makitan a nadeppes kabyatanna a dagiti addaan iti fishpond ket nalugi. Kas koma iti Darapidap, agarup iti P500,000 a malaga ken tilapia ti natay ken nakalubos.

Maysa ti natay iti Santa Maria gapu iti panakalmes, maysa a lugan iti Santiago ti na-damage ta nasaplitan ti natuwang a kayo.

Ngem kudos kadagiti nagpatpatnag a nagbantay kadagiti kakailianda tapno mayadayo iti disgrasia.  Kinapudnona, iti kalsada ket nagbalin a passable ti highway ta insigida a ma-chainsaw dagiti kayo a matuwang iti kalsada.

Nakasagana metten ti probinsia ken lokalidad iti relief operation operation a maaramid.

One thought on “Ilocos Sur, Dinalapus Ni Pepeng

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s