Ilocos Sur, Best Anti-Poverty Implementor

Inawat ti gobierno probinsial ti Ilocos Sur babaen ken ni Gov. Deogracias Victor “DV” Savellano ti pammadayaw kas Best Poverty Alleviation Program Implementer iti sibubukel a Rehion I idi Octobre 30, 2009 bayat ti naangay a seremonia iti siudad ti Vigan. Maipaay pay iti gobierno probinsial ti Hall of Fame Award gapu iti tallo a tawen a nagsasaganad a pannakapilina kas Best PRP Implementer.

 

Iti panagsarita ni Gov. Savellano, kinunana a naisangsangayan ti nadakamat a pammadayaw ta narekornisarda kabayatan iti panagserbida kadagiti napanglaw a kaprobinsiaan.

Iti benneg ti municipal level inyalat ti Pinili, Ilocos Norte ti pammadayaw iti maikaduan a daras, 1st runner up ti ili a Suyo, Ilocos Sur ken 2nd runner up ti San Gabriel, La Union.

“Daytoy ket mangipakita iti panagkaykaysa ti grupo ti probinsia ken dagiti kaprobinsiaan iti pannakapugipog ti kinapanglaw ditoy” kinuna ti gobernador.

Kangrunaan a programa ni Savellano kontra kinapanglaw ti Kakailian nga Aanaed iti Barangay Sangsangkamaysa nga Aagrang-ay Tayo wenno KABSAT Outreach Program, SAlun-at ken RANg-ay AYuda ti panagkaykaysa wenno SARANAY, panagiwaras iti piek kadagiti organisasion, ti pannakaiyestablisar ti libre a Home for the Aged a naawagan iti BALAY TARIPATO iti Magsingal, panagiwaras iti agduduma nga exotic fruit trees kas iti lansones, marang ken rambutan kadagiti upland municipalities, ti pannakaiyestablisar ti BaRang-ay Demofarm, ti TAGIBIKA a nakaipalaonan ti amin a programana iti pannakatagiben ti aglawlaw, panagited iti agduduma a makinaria para iti pannakapadakkel dagiti SMEs, ti agtultuloy a pannakaited iti allowances kadagiti provincial scholars, agtultuloy a pannakapasayaat dagiti pasilidades iti Ilocos Sur Community College, pannakaipasdek ti School of Living Traditions ken Special High School for Culture and the Arts ken dadduma pay.

Dinawat pay ni Savellano iti Anti Poverty team ti probinsia a saan koma nga agpatingga ti panagtrabahoda kalpasan ti panangabak no di ket agbalin koma daytoy nga inspirasion tapno lalo pay nga igaedda ti mangpasayaat iti kasasaad dagiti awanan.

Kiniddaw met ni National Anti Poverty Commission (NAPC) Asst. Sec. Catherine Mae Santos nga agtultuloy koma latta dagiti proyekto dagiti LGUs para kadagiti napanglaw a pampamilia kagiddan ti panangdakamatna iti tema ti programa a “Stand United, Fight Poverty”.

“Masapul a tuladentayo dagiti Best Practices ti tunggal LGU tapno ipadastayo met iti luglugartayo” kinuna ni Santos.

Napili kas 1st runner up ti Pangasinan, 2nd runner up ti Ilocos Norte ken 3rd runner up ti La Union iti provincial level.

Manciel Tacadena

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s