Honolulu Mayor Hannemann, Nalinglingay iti Ilocos Sur

Wen, pimmasiar ti mayor ti maika-12 a kadakkelan a siudad ti Amerika.  Nagkanta, nagsala ken nakipagkatawa kadagiti Ilocano.

Napalaus a ragsak ti narikna ni Mayor Mufi Hannemann, iti Honolulu, Hawaii idi daytoy ti bimmisita idiay Cabugao, Ilocos Sur idi Nobiembre 9,2009.

Kaddua ni Mayor Hannemann ni Representative Joey Manahan, dagiti sumagmamano a gabinetena agraman dagiti patneng nga Ilokano nga agnanaeden iti isla iti Hawaii ngem tuboda ditoy Ilocos Sur ken Ilocos Norte.

Indauluan ni Gobernador Deogracias Victor Savellano ti panangpasangbay kada Mayor Hanneman, kadduana da bokal Robert Tudayan, Mayor Dioceaser Suero ti Cabugao agraman dagiti municipal officials, da mayor Edgar Zaragoza ti Narvacan, Lorenzo Bragado ti San Emilio, Jesus Sagay iti Lidlidda, vice mayor Virgilio Pasion ti Santiago, ken dadduma pay.

Immun-una a nagturong ti delegado da Mayor Hannemann idiay Salomague Port iti Cabugao. Naikkanda ditoy iti honor welcome babaen kadagiti kameng ti Philippine Army, adda pay dagiti agbasbasa iti elementaria a nangabrasa kadakuada.

Ti Salomague Market ti nagrubbuatan dagiti kaadduan a Sakada, wenno dagiti Ilocano a nagtrabaho iti kaunasan idi 1920 agingga 1940’s.

Kalpasan iti programa a naisayangkat, nagturong ti delegasion iti Cabugao Beach Resort.  Ditoy a naan-anay a naisayangkat ti narungbo a panangpadayaw kada Mayor Hannemann babaen kadagiti kankanta nga insayangkat ti Provincial Government Ilocos Sur Chorale.

Iti daytoy met laeng a gundaway, nagkanta ni Governor DV Savellano a kas panangpadayaw kadagiti bisita.  Saan met a nagpaudi ni Mayor Hannemann ket kinantana met ti Blue Hawaii.

Iti panagsarita ni gobernador Savellano, mapadayawan ti Ilocos Sur gapu iti isasar-ong dagiti opisial ti Honolulu nangruna dagiti Ilocano nga agnanaeden idiay Hawaii.

Iti panagsarita met ni Mayor Hannemann, inaklonna a daytoy ti maikaddua a gundaway a nabaddekannan ti Ilocos Sur.

“Things that you see in the Philippines that touch my heart.” Kinunana.  Dinakamatna daytoy gapu iti panakakitana kadagiti ubing a nagtakderan iti kapudotan tapno laeng pasangbayenda. Kinunana a dagitoy ket makita laeng ditoy Filipinas, narigat a makita iti Amerika.

“They show appreciation… personal touch with humility.” Inlawlawagna.

Maysa pay a nakaay-aywan ti grupo ni Hannemann ket musika. Inaklonna a kas maysa a music lover, nay-ayo isuna iti PGIS Chorale, kinapudnona, kayatna nga imbitaran dagitoy iti presentasion dita Hawaii. Ngem kangrunaan iti amin, ti panakakitana kadagiti person with disabilities a musician.  Iti panagkanta ngamin ni gobernor Savellano, bulag ti gitarista ken pukol met ti pianistana.

Iti interview, nadamag mainaig iti panagtarayna kas gobernador iti Hawaii. Inaklonna nga adda dagiti mangidardarirag kenkuana a tumaray a kas gobernador, ngem iti agdama, ti trabahona iti Honolulu kas mayor ti as-asikasuenna.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s