Balay Para 1 Pamilia

 

Maysa kadagiti kangrunaan pay laeng a problema ket balay para iti pamilia.  Kadaywanen, adda dagiti balay a ti agigian ket dua aginga lima a pamilia. Mapasamak daytoy no ti ama ken ina ket addaan iti lima nga anak ket no nangasawa dagitoy ket makikabbalayda iti nagannakda.

Nupay kasla maysa a kulturan ti panakikabbalay iti nagannak. Ngem nasaysayaat latta met no adda ti bukod a balay.

Imbag ketdi, ta adda latta met dagiti programa a pabalay ti gobierno. Kas koma ditoy Candon.

Babaen iti panagtitinnulong ti Gawad Kalinga, Arkidiosis ti Nueva Segovia, Japan Tobacco International (JTI) ken gobierno siudad ti Candon, naibangonan iti baro a pagtaengan dagiti marigrigat nga awan ti balayda.

Naisayangkat ti programa idi Nobiembre 12, 2009 idiay barangay Tamurong 1st a pinartisiparan ti Gawad Kalinga, JTI General Manager Roger Lamp, Msgr. Vicente Avila ken ni City Mayor Allen Singson ken dagiti opisial ken department heads ti Candon City.

Agarup iti 30 a units ti baro a pagtaengan ti binangon ti grupo iti agarup 20,000 square meters a lote a masarakan iti nasao a lugar.

Ti lote ket inpaaramat ti Nueva Segovia kadagiti beneficiaries ti balay, ti JTI ti nangted iti pondo iti balay, city government ti panakasimpa ken kasapulan a ramit, heavy equipments ken dadduma pay a kasapulan iti pabalay, ken Gawad Kalinga iti panangiwanwan kadagiti beneficiaries.

Ragsak met ti narikna dagiti 30 a pamilia a maipaayan iti baro a balay agsipud ta kamaudiananna ket adda met laengen balaydan.

Nagduduma a barangay ti nagtaudan dagiti pamilia a benepisiaryo daytoy a pabalay.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s