Feria de Candon 2009

CANDON CITY.Tallo nga aldaw a ragragsak ken rayray-aw. Narambakan ti Feria babaen iti panagsasalip iti kannawidan nga ay-ayam, panakaiparang kadagiti agkakapintas a parol ken panagkanta ti maysa a congressman, maysa a duktor, tallo a padi, maysa a mabigbig a chef ken dadduma pay.

Daytoy ti Feria de Candon 2009

Balligi ti naisayangkat a Feria de Candon 2009, daytoy ket babaen mismo iti panangidaulo ni Deputy Speaker Eric Singson a nagserbi kas executive chairman ti programa.

Iti umuna nga aldaw idi Desiembre 3 ket naisayangkat ti Thanksgiving mass iti San Juan de Sahagun Parish Church ti Candon babaen kenni Rev. Fr. Vicente Avila, sinaruno daytoy ti pormal a panakalukat ti Trade Fair Exhibits iti Candon City Plaza. Kangrunaan a nabisita ditoy ni Gobernador Deogracias Victor Savellano agraman dagiti naduma-duma a mangidadaulo ti naduma-duma nga ahensia ti gobierno.

Iti maikaddua nga aldaw (Dec 4) ket isu met ti panakaisayangkat ti Painting Contest. Ditoy ket nagsasalipdagiti painter iti panagpinta iti botelia, bunga ti niog ken canvass. Naiparang pay ditoy dagiti naisalip iti Lantern contest.

Iti maikatlo nga aldaw (Dec 5) ket naisayangkat ti Ferialympics ken Traditional Food Festival. Ti Ferialympics ket panagsasalip dagiti bumarangay iti kannawidan nga ay-ayam kas koma iti sanggol, ginnuyodan, palo sebo, tiniliwan ti baboy, patentero ken kadang-kadang. Kabayatanna a ti Traditional Food Festival ket salip met dagiti barbarangay iti panaglutuan kadagiti luto ni Ilocano kas koma iti dinengdeng, buridibod ken lechon-baboy.

Tunggal barangay ket naikkan iti baboy tapno isu daytoy ti lutuenda iti kontes iti panaglutuan ti letson.

Iti pangaldaw, kas kannawidan, amin a tattao iti fiesta ket nangaldawda amin iti 42 a booth ti barangay agsipud ta amin a naluto ket naidasar. Maipalagip a kadagiti nagkauna a tiempo, dagiti maki-fiesta ket agturongda iti tunggal balay tapno pagustuanna a ramanan ti saganada. Kastoy met ti napasamak iti Candon.

Iti rabiina ket napasamak ti musical concert, kabayatanna a nagangtan pay ti kadakkelan a Christmas tree ti Ilocos Sur a daytoy ket naipasdek iti sango ti patio ti simbaan katoliko ti Candon. Nagangtan pay ti replica ti Eiffel Tower.

Napalaus ti panagyaman ni Mayor Allen Singson iti panakipaset ti tunggal barangay ken dagiti turista a nagbuya iti naduma-duma a programa ti Feria de Candon 2009.

Ti Feria de Candon ket pananglagip iti umuna a Trade Fair ti Filipinas a naisayangkat ditoy Candon idi 1892

One thought on “Feria de Candon 2009

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s