Ilocos Sur Development of Aquamarine

Mancielito S. Tacadena/NBN Vigan

Kasano a paadduan ti ikkan iti karayan… ISDA ti mangtulong kenka.

Maysa a programa nga addan iti gagem a mangpaadu iti bilang dagiti lames iti amin a bagi ti danum iti probinsia ti Ilocos Sur ken mangipaay iti umdas a food production ti inrugi ti gobierno probinsial.

Naawagan iti Ilocos Sur Development of Aquamarine wenno ISDA.

Maysa nga addang ni Gobernador Deogracias Victor “DV” Savellano ket ti panagiwaras ken panangibulos kadagiti tilapia fingerlings iti karayan ti San Emilio, Gregorio del Pilar, Lidlidda, Banayoyo, Santiago ken San Esteban.

Naisayangkat daytoy idi Enero 13 a pannakairugi ti uppat a lawas a panagibunong  iti tilapia fingerlings kadagiti amin nga ili iti Ilocos Sur.

Kinuna ti gobernador a saluadan koma dagiti umili dagiti naibulos a lames ken bay-an nga umadu dagitoy tapno ad-adu ti mabenepisiaran. Masapul kan met a malapdan dagiti agpanggep a mangkalap kadagitoy usar ti agduduma a klase ti illegal a pagkalap.

Segun ken ni San Emilio Mayor Lorenzo Bragado, napintas daytoy a programa tapno masuspusopan ti pagkurangan ti lames iti ilida.Aminado daytoy a nakirangen ti lames kadagiti karayan ti ilida gapu ta awan metten ti ipon a dumanon ditoy.

“Awanen ti makapasurong nga ipon nga isu koma ti dumakkel a lames gapu iti nakaro a panangkalapda kadagitoy iti igid ti baybay,” komento ti mayor.

Kinuna met ni Lidlidda Mayor Jesus Sagay a napintas a pagtaudan iti protina ti lames isu a makatulong daytoy it nutrition program kadagiti barbarangay kas kadagiti immunan a programa ti gobernador a panagiwaras iti kalding, manok ken agduduma a bukbukel.

Indawat pay ni Sagay kadagiti kailianna ti panaggaggaget ken panaganusda a mangammo kadagiti kabaruan a teknolohia tapno saan a mapaay dagitoy programa para iti panagdur-as.

Maysa met a representante manipud iti amin a barangay a nawarasan ti sanayen ti provincial Agriculture Office tapno agbalin a fish warden ken madutokan a mangsaluad kadagiti bagi ti danum iti masakupanda.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s