Kannawidan Ylocos Festival 2010

Salaysay da: Mancielito S. Tacadena ken Herminia Bundoc

Maminsan pay, rinambakan ti probinsia nga Ilocos Sur ti Kannawidan Ylocos Festival idi Enero 28-Pebrero 3, 2010. Kagiddanna ti panangrambak iti maika-192 a tawen nga anibersario ti pannakaisina ti Ilocos Sur kas naan-anay a probinsia. Daytoy ket babaen ti bileg ti Royal Decree nga addaan petsa a Pebrero 2, 1818.

Idi 2008, nagbalinen nga agtinawen a parambak ti Kannawidan nga addaan gagem a mangipasagepsep kadagiti Ilokano ti pateg ti pannakapreserbar dagiti nabaknang a tawid a kultura, kannawidan ken tradision ken ti pannakaitandudo dagiti produkto iti talon ken agduduma a produkto ti probinsia.

Kas panangipakita iti panagayat iti Namarsua, nairugi ti selebrasion babaen ti nasantuan a misa iti St. Paul Cathedra. Nagmaymaysa dagiti opisiales ti probinsia, dagiti empleado ti kapitolio ken dagiti umili a nagyaman iti Dios iti impaayna a parabur.

Naisaruno met ti maysa a libut wenno prosision a nakaiparangan dagiti amin a patron a santo ti 40 a parokia iti probinsia ken dagiti agduduma a ladawan ni St. Maria. Nailukat met kalpasanna ti Ramen ken raman Food Festival iti Plaza Salcedo. Nagbalin a libre a nakipangrabii ti publiko.

Iti naladaw a sardam, naipabuya met ti komedya a napauluan “Biag ni Prinsipe Victor”. Adu a tao ti nangsaksi itoy a pabuya gapu ta nabayagen nga awan ti naiparang a komedia iti entablado ket maysa n a matmatay a literature daytoy.

Iti maikadua nga aldaw, nailukat ti Partuat ken Patanor Trade and Agri Fair a nakaiparangan dagiti produkto ti probinsia babaen kadagiti nakipartisipar nga ili ken SMEs karaman ditoyen dagiti One town One Product ken tradisional a produkto. Adda pangregalo, ay-ayam, para iti uneg ti balay, naproseso a makmakan, alikamen, ken mulmula. Malaksid itoy, adda pay 102 nga exhibitors manipud iti 14 a probinsia manipud iti naduma-duma a paset ti Luzon.

Napili a Best Dressed Booth ti puesto ti ili a Sta. Catalina, Most Innovative Product ti Buri Divider nga aramid ti Gab’s buricraft ti ili a San Juan ken inyalat ni Marilou Torres ti On the Spot Demo Award para iti buri shopping bag a dineseniona. Iti record ti DTI Ilocos Sur, nakaganar ti trade fair iti P7.5 milyon iti innem nga aldaw.

Iti benneg ti agrikultura, nagsasalip met dagiti naduma-duma a produkto iti talon para iti PINAKA contest. Naipakita ngarud ditoy dagiti saan a gagangay ti  kadakkelna a natnateng, prutas ken lames idinto nga iti benneg ti dingo, binitbit dagiti mannalon dagiti tarakenda a kalding, baka, nuang, manok ken dadduma pay a para iti salip ti kinnadakkelan ken  kinnadagsen.

Ti Kannawidan Ylocos Festival ket saan a nalimitaran kadagiti taga Ilocos Sur no di ket iti sibubukel a Rehion Uno.

Babaen ti pannakitinnulong ti Departamento ti Edukasion, naangay ti naduma-duma a salip kas iti contemporaty, cultural, ken traditional a sala, interpretative ken dance drama, choral, music ensemble, rondalla ken salip iti panagtokar iti lira ken tambor. Ditoy a nagbabalubal dagiti amin nga schools division iti sibubukel a rehion.

Dakkel a premio ti nayawat kadagiti nangabak iti kinnaaduan ti makan nga empanada, longganisa, balikutsa, tinubong, tupig, bibingka, suman, opia kalamay ken kornik.

Iti maikatlo nga aldaw, naiyawat ti Living Treasure Award iti 60 a nataengan a natda nga agar-aramid pay laeng kadagiti nakainsigudan nga industria. Karaman ditoy dagiti agab-abel iti agduduma ti klasena nga abel, agar-aramid iti makan, mainum, buneng, getting, aglaga iti nadumaduma nga alikamen ken dadduma pay. Malaksid iti tropeo, impaayan pay ti gobierno probinsial iti P5,000 ti tunggal maysa kadagiti awardees kas insentibo tapno ituloyda ti ar-aramidenda. Karaman kadagitit napadayawan da:Carmen  Sotero  Arre, Amor  Cabanday, Consolacion  Manzano, Dominique  Panela, Antonio Bragado Ballalo, Alberta  Campilla Agosto, Dedicacion  Arriola Doliente, Faustina  Presto, Hipolita  Gatio-an, Barangay San Pedro Weavers, Catalina  Ablog, Bernarda  Abigania,Juanita  Quitoriano, Angelina  Cualan, Baliyang  Cristina Ramirez,Teresita  U. Belardo, Brgy. Pula  Fisherfolk, Anecito Degay, Juanito  Sad-ang, Rudy  Lag-asan, Brigido  Escobar, Jun  Tabugno, Florentino  Sadang, Andres  Balao-as, Rudy  Andres, Adriano Cabelan, Pascual  Dungawen, Francisco  Paita, Marta  Bringas  Salvador, Marcelino  Baclig, Isabelo  Pacling, Bernabe Equias, Fernando  Anton, Sabado  Bantic, Antonio  Barnachea, Agapito Balila, Lucio  Agno, Agustin  Dao-ay, Samson  Balas, Esteria Vitalis, Brgy. Malamin  WeaversPascual  Dungawen, Francisco  Paita, Marta  Bringas  Salvador, Marcelino  Baclig, Isabelo  Pacling, Bernabe Equias, Fernando  Anton, Sabado  Bantic, Antonio  Barnachea, Agapito Balila, Lucio  Agno, Agustin  Dao-ay, Samson  Balas, Esteria Vitalis, Brgy. Malamin  Weavers, Dionisio  Cachola, Alfredo  Pader, Angag Ricardo Pisawen, Evaristo  Riotoc, Jose Gascon, Sr., Luciana  Alvis, Teodora  Tugade, Rogelio  Brieta, Jose  Gaoat, Danilo Ibaan, Gervacio  Tingalen, Antonina Pabro Bie, Caridad Dario, Brgy. Bulanos Salt Makers, Sitio Mindoro Salt Makers, Lucia dela Cruz, Antonio dela Cruz, Rosemarie and Lorenzo Lobendino, Marcelina  Leal, Corazon Taberna, Sr., ken Eleuteria  Upina.

“Masapul nga ipasagepseptayo ti kinapateg dagitoy nga industria kadagiti sumaruno a henerasion ta dagitoy ket paseten ti kinailokanotayo” kinuna ni Gov. DV Savellano bayat ti panagsaritana iti programa. Naiyelnag pay ditoy ti Tawid: The Living Treasures of Ilocos Sur a ginastuan ti gobernador ken sinurat da Norma respisio, Maria Lourdes Ingel ken Jeffrey James Ligero ken inladawan da Jared Posion ken Teena Saulo.

Iti naangay a chess tournament, nagkampeon iti open division ni Nico Alisangco ti Sinait, Patrick Dulay ti Vigan City iti Junior Division ken John Daniel lemi ti Vigan City iti Kiddie Division.

Itoy met a rabii a nagpabuya ti Bayanihan National Folkdance Company of the Philippines iti “Beyond Folklore” a nakaipakitaan dagiti tradisional a salsala ken kankanta iti nadumaduma rehion iti pagilian.

Iti maikapat nga aldaw, maysa a libre a seminar para kadagiti mangisursuro iti P.E. ti inangay ti Bayanihan. Adu dagiti insuroda a mabalin a maisuro met kadagiti ubbing a naynay nga agpabpabuya ken makisalsalip iti sala.

Nagpakita met iti siglat dagiti nataengan iti Fun Run iti nasapa a bigat. Nupay makuna a nakapsuten dagitoy, inkarigatanda pay laeng ti umuna iti finish line iti sango ti kapitolio. Dagiti met local horse jockeys ti nagsasalip iti malem a pannakaangay ti Lumba ti Kabalio iti Quirino Stadium. Manmano metten nga adda ti masangal a lumba ti kabalio isu nga adu nga umili a mailiwan itoy nga sport ti napan iti lugar tapno buyaenda ti pinnatapok.

Naitampok pay iti Kannawidan Ylocos festival ti pannakaiyawat ti Fr. Jose Burgos Awards kadagiti achievers ti probinsia. Idauluan ni Deputy Speaker Eric Singson dagiti napadayawan iti Fr. Jose Burgos  Achievement Award. Daytoy ti kangatuan a pammadayaw nga ipaay ti probinsia kadagiti taga-Ilocos Sur a nakaaramid iti naisangsangayan ken nakaited iti dayaw para iti probinsia iti sangkapagilian ken ballasiw-taaw. Kadua ni Singson a mapadayawan inton rabii ti Enero 31 da Archbishop Ernesto Salgado, Arsobispo ti Nueva Segovia, para iti rehihion; Dr. Fortunato Battad, President emeritus ti Central Luzon State University ken Dr. Dorotea Filart, dati a Presidente ti University of Northern Philippines iti benneg ti akademia; Architect Reymundo Florentino, maysa a mabigbig a teddek iti pannakapreserba dagiti daan a pasdek iti siudad ti Vigan ken innawat iti prestihioso a GOLDEN DELPHIC AWARD iti 2nd International Delphic Games in Architectural Conservation Category sadiay Malaysia idi 2005 para iti Photographic Documentation ti Vigan Architectural Heritage par iti benneg ti arkitektura, WBA Superflyweight champion Brian viloria para iti sports; Viva Entertainment big boss Vic del Rosario Jr. para iti entertainment; Gawad SAKA Outstanding Corn Farmer Maximo Rabanal; ken Gawad SAKA Outstanding Young Farmer Romeo Yapit iti agrikultura. Maipaay mett ti Fr. Jose Burgos Special Award ken ni Mancielito Tacadena, reporter ti NBN Vigan ken Mannurat iti Bannawag para iti gapuananna iti benneg ken print journalism. Napili ti sinuratna kas Best Agriculture Story iti 2nd Brightleaf Agriculture journalism Awards idi 2008. Maipaay pay ti isu met laeng a pammadayaw iti Ilocos Sur Medical Society gapu iti agduduma a programana a nakatulong iti adu a nakurapay a pamilia iti probinsia ken aktibo a partisipasion daytoy idi kangitingit ti Bagyo Pepeng ken ti grupo dagiti mangngalap iti Sito Nagtupakan, Pudoc Sur, san Vicente a nangispal iti biag ti 12 a tattao a naiwawa iti taw idi 2008. Inawat payen ti grupo ti Gawag Kalasag Award manipud iti National Disaster and Coordinating Council itay napan a tawen.

Sabali pay ti pannakaiyawat ti tropeo ken premio a kuarta iti maikadua a Salisal Iladawanna’t Gaget ti Lumugar Agsaknap Ti Timpuyog wenno Siglat. Inyalat ti Cabugao ti lima a major awards a pakairamanan ti Best in Fish Production ken Best implementer of Coastal Resource Management (Dardarat); Best Brgy. Innovative Practice ken Most Child Friendly Barangay (Pug-os) ken Best Implementer of Nutrition Program (Bonifacio) ken uppat a minor awards para iti Best in Tourism promotion, Best in Gender and Development Implementation, Best Barangay Intensive Gardening ken Best Barangay Herbary (Pug-os). Nagpuesto iti maikadua ti siudad ti Candon a nakaiyawatan ti Safest and Most Peaceful Barangay (San Andres), Best Performing Barangay ken Most Functional Bgry. Anti-Drug Council (Calaoaan),Outstanding Sangguniang Kabataan (SK-Tamurong Segundo) Best in Sports and Physical Development ( Tamorong Segundo), Outstanding Barangay Tanod ken Most Functional Barangay Disaster Coordinating Council (Salvador Primero), Best Performing Barangay Based Cooperative (Metro Paypayad MPC-Paypayad) ken Outstanding Day Care Worker ni Celia Peralta (Tablac).

Nagtatabla met ti  ili  ti Tagudin Best in Agricultural Productivity (Lacong), Best Implementer in Elderly Welfare Program (Brgy. Quirino), ken  Outstanding Bgry. Based Micro SME Entrepeneur ni Danilo Sevilla (Bimmanga);  ili ti Suyo Best in Solid Waste Management (Brgy. Cabugao) ken Best in Youth Development Program Implementation ( Ursadan); ken ili ti Quirino Best in Culture and Arts (Banoen) ken Best in Livestock Production (Namitpit).

Dagiti dadduma pay a nangabak:

Cleanest and Greenest Barangay (Subec, Sta. Catalina); Best Managed Elem. School in a Barangay ti (Pudoc, San Vicente); Most Healthy Barangay (Nalasin, Sto. Domingo); Best tree Park (Poblacion, Norte, Gregorio del Pilar); Best Day Care Center (San Isidro, Bantay); Most Functional Botika ng Barangay (Maratudo, Magsingal); Outstanding Farmers Association (Tribal Farmers Association-Suysuyan, Lidlidda); Best in Organic Farming (Poblacion Sur, Lidlidda); Outstanding Sangguniang Barangay (Bannuar, San Juan);Best Performing NGO ( RIC of Balidbid, Salcedo); Outstanding Lupong Tagapamayapa ist to 3rd class municipality (Bannuar, San Juan) 4th to 6th class municipality (Dalawa, Alilem); Outstanding Nutrition Scholar (Perla Tabalina-Nalasin, Sto. Domingo); Outstanding Health Worker (Rosalina Lira-Pagsanaan Sur, Magsingal); ken  Outstanding Punong Barangay (Josie Rapacon-Bannuar, San Juan).

immawat t Cabugao iti P150,000 kas premio idinto a P100,000 ti inyawid ti Candon City ken sag P50,000 ti Tagudin, Suyo ken Quirino.

P50,000 met ti inawat dagiti Barangay a nangiyalat iti major awards, P30,000 kadagiti minor awards ken P10,000 kadagiti individual awards.

Iti rabii, nabalangatan a Saniata ti Ilocos Sur 2010 ni Hazelyn Santos manipud iti ili a Bantay kas Saniata ti Ilocos Sur 2010 bayat ti naangay a salip ti kinapintas ken sirib. Inyawidna ti P50,000 a premio ken maaddaan iti gundaway a mangirepresentar iti Ilocos Sur iti sumaruno a Bb. Pilipinas Pageant. Napili pay isuna a Best in Gown. Ni met Sherlyn Gonzales ti ili a Magsingal ti nakaiyawatan ti korona a Saniata ti Ilocos Sur Tourism ket immawat daytoy iti P40,000 a premio. Isuna pay ti napili a nakaiyawatan  Ilocano’s Choice Award. Ti met balasang manipud iti ili a Caoayan  a ni Marie Lorraine de Guzman ti nakaipayan ti titulo a Saniata ti Ilocos Sur Tourism nga addaan iti premio a P30,000. Napili met a kas first runner up ni  Julie Ann Santos ti Tagudin ken Kristine  Peral Ladera ti Gregorio del Pilar kas 2nd runner-up.

Dagiti naipaayan iti special awards:

Best in Casual Wear ken Miss Photogenic ni Paula Rich Bartolome (Sinait); Miss Talent ni Kristine Peral Ladera (Gregorio del Pilar); Best in Swimsuit ni Kimberly Brandon (Sta. Maria); ken Media’s Choice ni Kashmir Marjorie Hernaez (Sta. Lucia). Napili met a Best Designer ni Raffy Sy para iti diniseniona a gown nga inusar ti maysa kadagiti dayag.

Iti maikanem nga aldaw, naangay met ti agduduma a pasalip para kadagiti agad-adal iti sekundaria ken kolehio. Karaman kadagiti nangabak da:

On Poem Writing Contest

Highschool:

1st-Sinamar Presto (Bantay National HS)

2nd-John Rowell Palafox (Vigan National HS)

3rd– Jezl Joy Hereňa (Teodoro Hernaez National HS)

College:

1st-Mariel Posadas, Macro Computer College

On the Spot Painting

1st-Mark John Acena (Vigan National HS)

2nd-Patrick Kyle Bermudez (Teodoro Hernaez National HS)

3rd-Jenaly Vizcarra (Ilocos Sur National HS)

On the Spot Photography

1st-Arnel Torres (San Juan National HS)

2nd-Wilbert John Ross Tabangin (Lusoc National HS)

3rd-Maria Estrelita Esposo (Ilocos Sur National HS)

Quiz Bee

1st-Ilocos Sur National HS

2nd-Sinait National HS

3rd– Teodoro Hernaez National HS

Napadayawan pay dagiti estudiante a nangabak iti regional ken national sports, skills ken academic competitions.

Naipabuya met ti maikatlo ken maudin a paset ti sarsuela a Sirnaag nga addaan iti sub title a Panagbalbaliw iti Alimpatok dagiti Kalbario babaen ti panangisurat ni Agapito pablico. Kas iti dua nga immun-una, nagakem met laeng ni Gov. DV. Iti naangay nga aldaw gaditi umili, P50,000 ti inyawid ti nangabak iti bingo  ken maysa a multicub  ti premio ti nangabak iti raffle draw.

Naiparang met iti maudi nga aldaw dagiti vintage cars iti sango ti kapitolio. Inruar dagiti enthusiasts dagiti koleksionda a luglugan nga isu ti inarakan dagiti tattao. Binisita pay ni Presidentiable Gilberto “Gibo” Teodoro ti Partuat ken patanor Trade and Agri fair kas pannakipasetna iti Kannawidan Ylocos Festival. Positibo latta ni Gov. DV nga agtultuloy ti kannawidan kadagiti masungad a tawen gapu ta nakaawisen daytoy iti atension dagiti turista lokal man wenno ganggannaet. Babaen pay itoy, mapreserba la ketdi dagiti mapukpukawen a kannawidan iti probinsia.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s