Ilocana Nga Efren Peñaflorida

Ni Efren Penaflorida ket naglatak iti sangalubongan idi napadayawan daytoy kas maysa a bannuar ti higante a telebision a CNN idiay Estados Unidos. Daytoy ket gapu iti pagadalanna a de-duron wenno kariton. Adu nga ubbing ti maad-adalanna gapu iti daytoy a wagasna.

Adda met nalimed a kasta a bannuar ni Ilocano. Isu dayta ni Ma’am Gloria Lorenzana Agas. Daytoy ket babaen iti programana a Saturday Reading Club. Iwanwanwanna dagiti sumagmamano nga ubbing tapno rummuar ti talentoda iti panagbasa ken benneg iti arte.

Adda dagiti ubbing, agtawen iti tallo nga agpangato, nga agturturong iti balayda, oras alas tres agingga alas singko iti malem iti Sabado.

Kas kenni Kimberly, segseggaanna kanayon ti Sabado ta adu ti masursurona.

Iti umuna nga oras, dagiti agarup 15 nga ubbing ti masursuruan iti visual arts. No dadduma ket values education. Iti maikaddua nga oras ket agturongdan iti library ket mangaladan iti libro a basaenda.

Idi damona, adda book report dagiti ubbing, ngem agsipud ta adu ti marigatan, naikkat daytoy.

Adda dagiti agtawen tallo nga agbuya laeng kadagiti ladawan iti libro, kabayatanna a dagiti agad-adal iti elementaria ken high school ket agbasada, agaramid iti assignment wenno ag-review.

Siguden nga adu ti libro ti pamilia Agas. Ta daydi tatangna nga Emilio Agas ket siniguradona nga adu ti reading materials iti balayda. Nanayonan dagitoy a libro babaen iti kabsatn a ni Edilwisa Agas Weller nga adda idiay ballasiw-taaw nga adda gayyemna iti First Presbytarian Church. Mangipatulodda iti libro, school supplies, art materials ken dadduma pay. Kunam pay, naurnongen ti libro iti balayda.

Daytoyen ti maikaddua a tawen ti reading clubna. Idi damona a tawen ket walo laeng dagiti ubbing, ngem idi agangay ket immaduda. Ket idi graduation dayda ket 28 nga ubbing ti napagasatan.

Daytoy a graduation ti awan diploma wenno certificate ti nayawat. No di ket immawat dagiti ubbing ti libro.

Idi nadamag no maysa a mangisursuro ti propesionna, saan met gayam. Gagemna laeng ti tumulong kadagiti ubbing iti panangmuli iti kina-artistiko dagitoy nga ubbing, maapresiarda ti agbasa ken makatulong kadakuada.

Nagsayaat nga arapaap, nagsayaat a gagem. Ket dagitoy a gannuat ti agtultuloy tapno mapasayaat dagitoy nga ubbing. Mapatanur a nasayaat ken naabilidad.###

One thought on “Ilocana Nga Efren Peñaflorida

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s