Tuladenyo Apo Politiko: Mayor Tumaray A Sangunian

Ilocos Sur. Ni Presidente Gloria Macapagal Arroyo, manipud kina-Presidente ti pagilian a Filipinas, tumaray a congressman… ngem maudi a terminona.

Ngem ditoy Ilocos Sur, tumaray ti incumbent mayor iti kina-Sangguniang Bayan… ngem adda koma pay dua a terminona.

“Saan laeng a ti personal nga interesko ti kitkitaek.”

Daytoy man ti kinuna ni Mayor Onofre Bistoyong, iti ili ti Alilem, Ilocos Sur, mainaig iti panagpababana iti puesto iti daytoy umay nga eleksion.

Saan a kas kadagiti dadduma a pulitiko, ni Mayor Bistoyong, ti nagdesision a tumaray laengen a para Sangguniang Bayan iti ilida nga Alilem, Ilocos Sur.

Adda koma pay dua a terminona a para mayor agsipud ta nabotosan isuna idi 2007.

Ngem sakbayna daytoy, nabotosanen isuna a Mayor manipud idi 1979 agingga idi 1998. Nabotosan pay a bise mayor ket naileppasna ti tallo a termino idi 1998.

“Daytoy ket para iti interes iti panagserbi… masapul a maala met dagiti makabael iti pagsaadan a mayor.” Kinunana iti interview kenkuana ti DZTP Radio Tirad Pass.

“Agsipud ta kayatko a maaddaan bassit iti panagbaliw iti liderato… iti nagan ti urnos, mayatak a nagpababa.”

Kinunana nga idi nagdesisionen nga agpababa, kinasaritana met ti bise mayor ti ilida, ket inalana ti kapanunotanna, imbaga ti bise mayor a kaykayatna nga itultuloy ti kina-bise tapno maaddaan kano iti gundaway dagiti younger generation.

“Nupay adda panakasdaaw dagiti umili nangruna dagiti grupomi ngem inlawlawagmi daytoy kadakuada.” Kinuna pay ni Mayor Bistoyong.

Ti panagsakripisio ti mayor ket makuna a naisangsangayan agsipud ta manmano iti makaaramid iti kastoy… ti tumaray iti nababbaba a posision nupay adda pay ti nabatbati a terminona.

“For the betterment of Alilem,” kinuna ti mayor.

Maipalagip nga iti pulitika, adu dagiti agsisina ken aglalaban-laban iti posision iti kina-mayor agsipud ta tunggal maysa ket adda ambisionna.

Adda pay dagiti kari dagiti agkakapartido a bagina iti sumaruno nga eleksion, ngem gapu met laengen iti bisin iti turay ket saan a matungtungpal daytoy.

Ngem iti biang ni Mayor Bistoyong, nangipakita isuna iti maysa a napintas nga ehemplo kadagiti agtuturay tapno iti kasta, saanda unay agbalin a gamrud iti turay.

Kinunana a saan a nakababain iti maysa nga agturay a bumaba iti puesto basta laketdi iti pagsayaatan ti umili.

3 thoughts on “Tuladenyo Apo Politiko: Mayor Tumaray A Sangunian

  1. adda ngamin jay politiko nga haan nga nabannog nga nagserbi ta ngamin ket isu iti nagpaserbi….. isu nga ataray manen uray bimmaba ti pwesto!!!!!!!!!!!!

  2. adda met dagitay pulitiko nga ti panunut da ket tay kuarta nga awaten da uray no awan ti naaaramidan da bayat iti panag tugaw da a kas maysa nga elected officials. panpanunuten da laeng tay kaimbukudan nga interest wenno kaimbukudan nga pagsayaatan tay makettab da nga kuarta tapno bumsog ti bulsada….. KAPANUNUTAN LAENG APO!!!!!

  3. Myat met ta bimaba,ngem amun t taga alilem nu apay nga bimaba imbes nga i2loy na jay termino na…..naumadan knyana…ngem t adat na gapu ta kyat na latta t ada iti turay ngarud kumandida2 latta…nabayag a mayor bumaba laeng iti sangunian…kus2 koma meten,pasublat nan iti daduma ta mairanodda met iti ag gap apo iti hydro nga buis…kaadwan na ket tga munisipyo lat mairanranud dita nga buis t hydro gmin dadakel t bunos da 2nggal dec ken nu anya t kyat t mayor nga iserrek isu t masurot…daytoy ket d kapanawenan ni apo onofre….obserbasyon lng dy2y apo t kas maysa nga maka ammo nu anya t agpayso a kasasaad ken estorya pangep jay panag baba na iti pwesto ken iti panag2ray na iti nu manu nga tawen…adu met t naaramidan ni apo bistoyong…adu meten t bimaknangan nan…san laeng nga amo t kaadwan ngem adu t sanikua na nga nkalemmeng!!!!!tsismis lng dy2y apo,wan ebidensya nga kunada…san met gmin nga mbalin nga imbestigaram jay bos wenu amom a kunada…t makunak nasingpet la unay t taga alilem…san da nga agtimtimek ken inggana da lat sasao gamin….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s