Tapno Natalna Eleksion Iti Abra: Zenarose Commission

Kas addang tapno maaddaan iti nadalus ken natalna nga eleksion iti probinsia ti Abra, inangay ti napagtipon nga inisiatibo ti Zenarosa Commission ken Abrenian Partners for Peace and Development (APPD) ti Citizens’ Forum Against Armed Violence and Private Armed Groups idi Pebrero 12. Naangay daytoy iti Bangued, Abra.

Ti Zenarosa Commision ket idauluan ni Justice Monina Zenarosa kas chairperson; Jaime Echeverria, Dante Jimenez, Herman Basbaňo, Bishop Juan de Dios Pueblos, Mahmod Mala Adilao ken Virtus Gil kas Commisioners ken Edilberto Adan kas permanent adviser.

Ti forum ket inatendaran dagiti politico manipud iti agduduma nga ili iti Abra, Youth, Religious Sects, academia, professional, womens, mannalon, nataengan, NGOs, business ken dadduma pay a sector iti komunidad kasta metten ti PNP ken AFP.

Iti panagsarita ni Justice Zenarosa bayat ti forum, kinunana a saan a kabaelan ti komision a solbaren ti parikut iti kaadda ti private armies isu a dinawatna ti kooperasion ti amin a sector tapno agballaigi ti komision ken maaddaan iti natalna a panagpipili kadagiti lugar a hotspots.

“Iti panagkitak nabannogen dagiti umili iti kinariribuk kasta met dagiti politiko. Ti laeng kayat dagitoy ket masapul nga aggigiddanda nga isuko dagiti armasda” kinuna ti chairperson.

Kinarit met ni Commisioner Dante Jimenez dagiti  politiko iti Abra a mangipakpakitada iti ehemplo babaen ti panangsurotda iti linteg.

“Masapul a surotenda ti nailanad iti linteg nga agingga laeng iti dua ti naipabubos a police escorts ti maysa a politiko no maaprobaran ti dawatna a maaddaan iti escort” kinuna ni Jimenez a mangidaulo pay iti Volunteers against Crime wenno VAC.

Innayon pay daytoy a masapul ti people empowerment tapno mawaran dagiti armado a grupo. No adda Makitayo nga aglabsing wenno mangriribuk, masapul kan a maipakaammo daytoy iti PNP.

Bayat ti forum, naamuan manipud ken ni OIC Provincial Director P/Supt. Lawrence Coop nga adda 16 nga ili iti probinsia a maibilang a hotspots a pakaibilangan ti Bangued, Bucay, Boliney6, Dolores, Danglas, Tabuk, Lagangilang, Peňarubia, Tayum, Tubo, Tineg, La Paz, Lagayan, san juan, Malibcong ken Sallapadan.

Inamin met ni CAR PNP Deputy Regional Director for Operations P/S Supt. Elmer Soria nga adda maysa a kumpirmado nga Armed Group iti Abra idinto a tallo a sabsabali pay ti madama a sipsiputanda.

Ammo metten ti amin ti ksao diay Tineg. Adda aganay 10 katao nga armado a mainanaig ken ni Mayor Edwin Crisologo” inadmitar ni Soria.

Naggibus ti forum babaen ti panagpirma dagiti amin a nakipartisipar iti katulagan a manggibus iti kinadamsak iti probinsia a maikonkonsidera a maysa kadagiti hotspots iti pagilian. (Mancielito S. Tacadena/NBN Vigan)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s