3rd Tour Of Ilocos Sur

Yes, addan iti maikatlo a tawennan ti lumba ti bisikleta a kas kaarngi ti Tour de France…

… daytoy ti Tour of Ilocos Sur!

Adda ti nawatiwat kas koma ti dalan manipud Sinait agingga Tagudin; adda ti bimmituka a dalan iti kabanbantaya wenno ti manpud Tagudin agingga Cervantes; ken dalan a rough road a mapasamak iti Cervantes agingga Vigan.

Maangay ti maikatlo a Tour of Ilocos Sur inton Abril 28 agingga Mayo 1 2010 babaen ti panangorganisar ti Ilocos Sur League of Civil Societies ken Ilocandia Bikers Organization.

Segun ken ni Bokal Jose Bonuan, Tour Director ti torneo, addaan daytoy iti uppat a laps: pakaiiramanan ti Vigan to Sinait;  Sinait to Tagudin; Tagudin to Cervantes ken Cervantes toVigan.

Gagem daytoy a makadiskobre kadagiti nalalaing a siklista a mabalin nga isabak ti probinsia kadagiti nailian nga a torneo kasta metten a maitandudo dagiti napipintas a lugar iti ilocos Sur gapou ta dalanan amin dagitoy dagiti siklista.

Iti naangay nga elimination round idi Pebrero 21, uppat a pulo ket walo manipud iti nasurok lima pulo a partisipante ti kualipikado a sumabak iti tournament proper kas impakaammo ni Bokal Bonuan.

Nagpuesto iti umuna aginnga iti maikasangapulo a puesto dagiti sumaganad: Carlo Gazmen, Jemico Brioso, Kelvin Mendoza, R-Jay Pescador, Ryan Serapio, Harold Mark Gelacio, Randolf Baňaga, Michael Bryan Juguilon, Leonardo Palor Jr. ken  Onofre Buc-ong. Dagiti immune nga innem ti agbalin a team captains iti innem a grupo. (Mancielito S. Tacadena/NBN Vigan)

One thought on “3rd Tour Of Ilocos Sur

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s