Kultura Ilocana Iti Makati City

Opps… no kayatyo makita dagiti naidumduma a produkto ti Ilocos Sur. Nagsayaat koma no inatendaranyo ti Kultura Ilocana iti Makati City.

Babaen ken ni Corazon Agosto, a nagcraft demo, naipakita pay ti proseso ti panagabel kadagiti dimmar-ay iti parambak.

Kas pannakipaset ti probinsia nga Ilocos Sur iti pannakaiselebrar ti Heritage Month idi Mayo, naangay ti maysa nga aldaw a bazaar iti A. Venue Hall iti siudad ti Makati idi Mayo 30.

Karaman kadagiti nailako ditoy dagiti agduduma a partuat dagiti Ilokano kas iti buneng ken getting iti Santa, dagiti nalaga a basket ken dapilag manipud iti upland municipalities, asin, tagapulot, longganisa, bagnet, agduduma a souvenir items a nakaimalditan dagiti napapateg a pasamak iti pakasaritaan iti Ilocos Sur a pakairamanan payen ti libro ni Gov. Deogracias Victor “DV” Savellano nga Ilocos Sur: An Illustrated History ken ti best seller nga empanada a pinilaan dagiti aggatang.

Kinuna ni Gobernador DV…  malaksid a maipakitada dagiti partuat ni Ilokano iti Metro Manila, makatulong kan ti pasken tapno mabigbig dagiti nataenganen a nabatbati nga agparpartuat kadagiti makunan a living treasures ti probinsia.

Kas pammadayaw kadagitoy, inyelnag ti gobierno probinsial ti libro a TAWID:The Living Treasures of Ilocos Sur a nakaisuratan ti pakasaritaan dagiti nabatbati a nagitultuloy kadagiti kadaanan nga industria.

“Addan dagiti pimmusay kasta met nga adun ti simmardeng nga agpartuat gapu ta baket wenno lakaydan ket masaksakitdan. Dakkel ngarud a karit kadakami no kasano a mapasubli dagiti agngangabiten a tawid a kinabaknang ti Ilocos Sur. Sapay koma ta babaen itoy a libro, maallukoy dagiti agtutubo nga Ilokano a mangituloy kadagitoy tapno saan a mapukaw dagitoy a kinabaknang” kinuna ti gobernador.

Naiyelnag pay iti daytoy nga aldaw ti umuna nga album ti Provincial Government of Ilocos Sur Chorale ken ti “SIKA” nga album ti Prince of Operatic Pop a ni Jonathan Badon babaen ti panangiproduce ti Ilokana a producer a ni Ana Agabin ti Badoc, Ilocos Norte.

Pangpinale a parang itoy maysa nga aldaw a ramrambak ti pannakairampa dagiti kawes a pakairamanan ti abel iluko a dinisenio ti Ilocana nga international designer a ni Dita Sandico-Ong akas panangiselebrarna iti maika-25 a tawenna iti fashion industry. (Mancielito S. Tacadena)

One thought on “Kultura Ilocana Iti Makati City

  1. kurang ti dimmar-ay a tao…ken saan unay nga accessible ti lugar a nakaangayanna.

    Iti Bazaar: dagiti exhibitor kadagiti booth ket dida unay friendly a kasarsarita; awan kadakuada ti marketing strategy(factor) a makapenetrate para iti nalawlawa koma a market a kas iti export. Sayang ta ti abel koma a nakitak sadiay ket maikompara kadagiti hand loom weaves ti India nga ar-aramatenmi para iti lamp shades (silaw). Idi dawatek ti contact numberda (EXHIBITOR: PARTUAT) awan ti maitedda a calling card koma. Kunak no isuratna iti papel ngem naitungtungkua ta dinakon singango. Pinanawankon!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s