Napigar A kurapo, Naisullat Iti Karabukob

Kadagiti agnanaed iti igid ti baybay, nangruna iti katangriban, malaksid iti panagbaknad kadagiti shells ken ikan, panagsilaw ti kurita, panagpana ti sungayan ken dadduma pay, maysa a kadaywan nga ar-aramiden ket ti panagbanniit.

Ngem daksanggasat no dadduma, ta adda latta met dagiti mangngalap a maaksidente a pakaigapuan iti panakakeltay ti biag. Adda dagiti mangngalap a maduyok ti susay.

Ni Edward, 22 anios iti Apatot, San Esteban ket maysa a mangngalap. Nagbanniit iti katangriban. Nangruna ta mayat met ti tiempona, barbareng nga adu ti maalana.

Ti kurapo ket maysa a klase ti ikkan a maala iti banniit. Pagaayatna ti aglangoy iti yan dagiti batbato. Nakersang ti kariskisna, nangisit ti marisna a ti dadduma ket addaan iti batik a puraw a kasla iti dalmation nga aso. Ngem ti pigarna, ama, nakatadtadem.

Immirteng ti bannit Edward, ammona lattan, adda dimmawi iti simana. Idi inngatona manipud iti pagat siket kaadalem a nagbanniitan, maysa gayam a kurapo.

Aglaglagto. Nagparang ti natarumamis a pigarna. Masapul ngarud a patayenna daytoy. Mabalin a patayen babaen iti pananglipit iti ulona. Ngem no madi, kagaten laengen. Kinagatna ti ikan.

Ngem iti panangkagatna, nagkulibagtong daytoy. Ket nagdiretso iti karabukobna. Nakaro nga ut-ot ti narikna ti biktima. Uray kasano ayat a maakkal ngem madi, nangruna ket sumigar met ti pigarna.

Naitaray iti ospital, ngem daksanggasat a natay ti biktima.

Kinuna ni Dr. Figueroa iti Candon General Hospital, iti dua nga abut iti karabukob, iti ngamin pagangsan ti nagsullatan ti ulona. No iti koma pagdiretsuan ti taraon, posible a nagbiag ti biktima.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s