First Film Festival Iti Amianan

Marambakan met ditoy Ilocandia ti Independent Film Cinema.

Iti umuna unay a gundaway, mapadayawan ti Mariano Marcos State University (MMSU) ti Siudad ti Batac, Ilocos Norte, a mangipabuya iti Cinemajarlika Films Festival 2010 iti Teatro Ilocandia ti MMSU inton Setiembre 9 ken 10.

Tallo a pelikula ni Direktor-Mannurat Byron Bryant , ti “Baryoke”, “Rotonda”, ken “Alon”, ken maysa nga ababa a pelikula ni Direktor-Mannurat Raymond Red, ti “Anino”.

Nangabak iti nadumaduma nga awards dagiti pelikula ni Bryant kadagiti Film Festival ditoy Filipinas, idinto a nangabak met ti pelikula ni Red iti international Film Festival idiay Cannes, France, idi tawen 2000.

Maragsakan ni Dr. Miriam Pascua, President ti MMSU, ta iti nasao nga unibersidad ti umuna ken pakairubuatan ti selebrasion ti Independent Film Festival iti Amianan a Luzon. Naan-anay a suporta ti impaayna itoy naisangsangayan ken naidumduma a proyekto.

Dinutokanna ni Dr. Joselito Lolinco, dekano ti College of Arts and Sciences (CAS) a mamagballigi iti proyekto babaen ti tulong ni Dr. Aianree Raquel ken tallo nga organisasion dagiti estudiante ti nasao a kolehio, ti CAS Student Council, AB English Studies Society, ken Association of Students in Humanities, English and Literature.

Iti umuna nga aldaw, Set. 9, maipabuya ti “Baryoke” (9:30 A.M.), “Rotonda” (1 P.M.) ken “Alon” (3 P.M.).  Iti maikadua nga aldaw, Set. 10, bigat, aglektiur da Juan S.P. Hidalgo, Jr. (panagsurat iti Screenplay), Byron Bryant (Film Directing), ken Ronnie Lazaro (Film Acting).  Iti malem, maipabuya ti “Anino”  (1 P.M.). Ni Ronnie Lazaro ti bida iti “Baryoke” ken “Anino”.

Maawis dagiti estudiante ti MMSU ken ti publiko nga umay agbuya kadagiti nasao a pelikula. P50.00 ti bayad ti tiket ti kada pelikula. Libre met ti panagdengngeg kadagiti lektiur da Hidalgo, Bryant ken Lazaro.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s