Chef On Parade: Ilocos Sur

Umaykayon makiparada… mabsogkayo!

Ay ket, no kastoy ti pagparadaan, nagimasen ‘bagis… mabsogka ken lumukmegka. Walo a pagadalan ti nagsasalip iti panaglutuan… agkakaimas a taraon.

Naisayangkat ti agtinawen a salisal iti panagluto ken panagiserbi a Chefs on Parade babaen ti panangesponsor ti Ilocos Sur Hotels, Restaurants and other Related Enterprise Association wenno ISHORE sadiay Quirino Stadium.

Karaman kadagiti nakipartisipar dagiti estudiante iti Hotel and Restaurant Management/Administration manipud iti Ilocos Sur Community College, St. paul College of Ilocos Sur, Divine Word College of Vigan, Ilocos Sur Polytechnic State college, Macro computer College, Data Center of the Philippines,  University of Northern Philippines,STI-Vigan ken Naturales Training Institute.

Maikaliman a tawen daytoy a maang-angay manipud inrugi nga isayangkat ti ISHORE a grupo dagiti hotels, restaurants ken dadduma pay a pribado a negosiante nga agipupuonan iti Hospitality Industry iti probinsia.

Karaman met kadagiti napagsasalipan iti tallo nga aldaw a kompetision ti Regional Cuisine Live Cooking, Iloco Cuisine Fusion Freestyle, Longganisa Cuisine Fusion Freestyle, Plated Dessert Freestyle, Filipino Dessert Freestyle, Fruit Flambě freestyle, Floral Design Centerpiece-Wedding theme, Floral Design Presentation Bouquet, Fruit and Vegetable Carving-Showpiece ken On stage, Master’s Flairtending, cocktail Mixing Freestyle, Yloco Cocktail Mixing Freestyle ken Bellman’s Competition.

Adda pay naangay a quiz bee ken ISHORE Got Talent a nayon a nangpangayed iti kompetision.

Iti panagarita ti chairman ti ISHORE a ni Vice Governor Deogracias Victor “DV” Savellano, kinunana a daytoy a pasalip ket maysa nga oportunidad para kadagiti estudiante tapno  makasursuroda ken lalo pay a maingato ti kalidad ti kabaelanda iti panagluto ken panagserbi a kasapulan met unay iti hospitality industry.

“Agyamankami kadagiti pagadalan iti agtultuloy a suportada iti Chefs on Parade. Awatek nga ipapusoyo dagiti masursuroyo iti daytoy a salip tapno dakdakkel ti gundawayyo a makisalip iti daddadakkel pay a kompetision” kinuna ni Savellano.

Kinuna met ni Vigan City Vice Mayor Ryan Singson a kasapulan met a mapasayaat ti serbisio iti hospitality industry ditoy Ilocos Sur a daydayuen ti adu a turista.

“Adu nga agpayso dagiti napipintas a lugar a mabalin a pasiaren ti turista iti probinsiatayo ngem masapul a kalpasan a bussogenda dagiti matada kasapulan met a naimas ken makaay-ayo dagiti iyopresirtayo a taraon tapno iti kasta agsublidanto manen” kinuna ti bise mayor. (Mancielito S. Tacadena)

One thought on “Chef On Parade: Ilocos Sur

  1. exposure to all aspirants sir, uray koma met ditoy Candon adda kasta a pasalip gamin adda metten agkakalaing nga eskwelaan ken hotel & restaurants nga mabalin a makisalisal.. dayawek ken apresiarek dagitoy a proyekto tapnu maipakita dagiti Pinoy ti kinalaing da aglalo iti benneg iti turismo…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s