Bareng Addanton Pelikula Ni Ilocano

Aya? Pelikula nga Ilocano… a dagiti agakem ket nangisit ti sikona ken saluyoten ti panagibalikas ti Iluko… dandanin san kaka, a mabuyatayo datoy.

VIGAN CITY. Kinarit ni Ronnie Lazaro dagiti Ilocanoes tapno agsurat kadagiti sarita, pakairamanan para iti pelikula, wenno agbalin nga artista ta isu ti mangitandudo iti kultura ken pakasaritaan ti amianan.

Kinunana daytoy iti eksklusibo a panakiuman-uman kenkuana bayat iti kaaddana iti Vigan para iti promosion ken panangadal kadagiti agtutubo iti University of Northern Philippines.

Itay nabiit ket adda isuna, kadduana ni indie film director Ron Bryant, tapno mangitag-ay iti Ilocano Film Festival.

“Make your own Ilocano film.” Inlawlawagna bayat iti interview kenkuana iti kaaddana iti Mena Crisologo street, ken nakatugaw iti maysa a daan a tugaw a kukua ti maysa nga establisemento a masarakan iti kalye ti Vigan.

“The film industry will work out well if you Ilocano will make Ilocano films using Ilocano actors, tapos yung salita puro Ilokano.”

Tapos maawatan, inlawlawagna a maikkan laengen iti Filipino wenno English a subtitles iti baba.

“Ilocanoes have so many beautiful stories, from fiction non-fiction, fantasies or soap opera.”

Dinakamat a ti kasapulan laeng ket ti pananginspirar iti bagi, tapno matungpal dagitoy nga arapaap.

Dinakamatna a dakkel ti maitulong da Gobernador Luis Chavit Singson ti Ilocos Sur, Gobernador Imee Marcos Ilocos Norte ta adda ti essemda iti panangipromote ti pelikula.

“You know, ill be proud if I see Ilocano movie in big screen.” Kinunana pay.

Maysa a potensial pay a kinuna ket ti kinapintas ti scenery ti Ilocos region ta saan pay nakitkita daytoy ti kaadduan nga agnanaed iti Pilipinas.

Kasapulan laeng ti nalaing a cinematographer, director ken napintas a sarita.

“Sit down and make purpose… to make Ilocano film!”

Awan met makitana a problema iti marketing, ta kas kinunana: “You own Hawaii…”

“Dig your own stories. I’m Ilonggo… I dig my own Ilonggo films.”

Adun a pelikula ti naaramid ni Ronnie ditoy Ilocandia kangrunaanen ditoy siudad ti Vigan gapuna a kasta la unay ti panangguyugoy kadagiti Ilocano a makaaramid iti bukodna a pelikula.

Kabayatanna, ni Ron Bryant, ket addaan la unay iti interes a makaaramid iti pelikula nga Iluko, ket maysa kadagiti kangrunaan a proyektona ket panangiyalisonna iti pelikula iti ababa a sarita ni Juan SP Hidalgo, ti pagtamdan a mannurat nga Ilocano. (Danny Antalan)

One thought on “Bareng Addanton Pelikula Ni Ilocano

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s