Premio GUMIL Filipinas

Umuna a Premio GUMIL Filipinas

Dagiti pagannurotan:

1. Esponsoran daytoy dagiti managayat nga Ilokano a mangitantandudo iti Literatura Ilokana. Silulukat kadagiti amin a mannurat nga Ilokano iti intero a lubong, malaksid iti agdama a Presidente ti GUMIL Filipinas ken dagiti kameng ti Editorial Committee ti GF nga agpaay a Secretariat.

2. Panagsurat iti Ababa Sarita a Para Ubbing ti salip. Agpaay dagitoy a sarita a para kadagiti ubbing nga agtawen iti 6-9. Maysa laeng a sarita ti mabalin nga isalip ti tunggal mannurat ket agatiddog daytoy iti 4-6 a panid, naimakinilia wenno naikompiuter iti doble espasio iti 8 1/2 x 11 a papel a coupon bond. Naimakinilia wenno naikompiuter iti maysa espasio iti 8 1/2 x 11 a papel a coupon bond.

3. Ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti sarita a pakisalip. Maikadua, ti parbo ken pudno a nagan ti autor, pakasaritaan ti biag ti autor. No ipatulod babaen ti koreo: uppat a kopia ti isumite ken pakuyogan ti entry iti narikpan a sobre a nakailanadan ti paulo ti sarita, parbo ken pudno a nagan ken kabibiag ti autor. No iti e-mail, iturong iti gumilfilipinas@gmail.com. No iti koreo, ipatulod iti Premio GUMIL Filipinas Secretariat, c/o BANNAWAG, Manila Bulletin Publishing Corporation, Muralla cor. Recoletos Sts., Intramuros, 1002 Manila.

4. Rumbeng nga orihinal, di pay naipablaak, di naadaw iti ania man a naipablaaken a sinurat, ken di pay nangabak iti ania man a salip iti panagsurat ti sarita nga isalip. Nasken met a di naisalip iti sabali a pasalip a kagiddan ti pannakaiwayat ti Premio GUMIL Filipinas.

5. Agbalin a kukua ti GUMIL Filipinas dagiti mangabak a sarita. Maikkan pay iti karbengan a mangedit, mangatur ken mangipablaak iti libro, magasin wenno periodikal a pilina nga awan sungsungbatanna iti autor. Agtalinaed ketdi ti copyright iti autor.

6. Saan a mabalbaliwan ti pangngeddeng dagiti hurado— malaksid no maduktalan kalpasanna a linabsing ti mannurat ti Pagannurotan Bilang 5. Iti dayta a panaglabsing, maibabawi ti gunggona ket dinton mapalubosan pay ti autor a makisalip iti ania man a salip nga esponsoran ti GUMIL Filipinas.

7. Dagiti gunggona: First Prize, P7,000; Second Prize, P5,000; Third Prize, P4,000. Maikkanto pay iti sertipiko dagiti mangabak.

8. Mayawat dagiti premio iti Maika-43 a Kombension Nasional ti GUMIL Filipinas iti Abril 15-17, 2011.

9. Nasken a maawat ti pakisalip iti e-mail wenno namarkaan iti koreo iti di naladladaw ngem tengngat’ rabii ti Enero 31, 2011.

2 thoughts on “Premio GUMIL Filipinas

  1. Wow, mayat daytoy. Kaano pay a nairugi? Idi siak ti Sec. Gen. ti GF nangiproposenak met iti kastoy ngem saan a naasikaso. Naimbag man ta addan nangirugi.

    Agbiagkayo!

  2. nagsayaat unay daytoy a gannuat…ngem nasaysayaat sa (?) no koma padasenda met ti agpasalip iti ababa a sarita a ti temana ket maipanggep iti pananglaban iti kurapsion? saan kadi a positibo nga adal ti maitedna daytoy iti sapasap? saan met a libelous daytoy ta fiction story met ti maaramid a based on facts? (agsalsaludsod laeng apo?)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s