Kristo Ari Ti Nueva Segovia iti Cervantes

ni Mancielito Tacadena

“Ti kinatan-ok ket saan a makita iti no ania ti naikawes wenno adda kenka, makita daytoy iti no asinoka.”

Daytoy ti sermon ni Msgr. William Antonio, Vicar General ti Archdiocese ti Nueva Segovia iti sanguanan ti aganay pito ribu a dimmar-ay ti Rambak Kristo Ari 2010 a sinangaili ti parokia ni Sto Niṅo de Prague iti Cervantes, Ilocos Sur idi Nobiembre 21.

Inyarig ni Msgr. Antonio ti inaramid ni Jesus a panagpakumbaba iti laksid nga inlansada iti krus ken linalais dagiti pangpanguluen  ken ti maysa kadagiti kriminal a  padana a nailansa iti krus ti kina-Arina. Ngem iti laksid ti kinapakumbabana, nabigbig daytoy ti sabali pay a kriminal a nailansa iti krus ket dagus a nagpakawan daytoy iti basbasolna.

“Kaaduan kadatayo ti agpampannuray iti no ania ti makitatayo iti pada a tao. No nabileg, napno iti alahas bigbigentayo. Ngem no daytoy ken simple laeng awan naikawes kenkuana a bileg, saantayo nga ikabkabilangan. Aminentayo iti bagitayo, kaayatantayo nga iparammag ti saadtayo iti gimong. Ti nasken a maamiristayo, tuladentayo ti inaramid ni Jesus tapno mabigbbigtayo ti kaadda ti Dios iti dennatayo” kinuna ti Parochial Vicar.

Maangay ti sumaruno a rambak Kristo Ari iti Sto. Domingo inton umay a tawen.

Iti met eksklusibo a pannakiuman ti Around Ilocandia Channel ken ni Mayor Benjamin Maggay, kinunana a maysa a naisangsangayan a pagteng ti Rambak Kristo Ari para iti  ilida gapu ta maminsan laeng a maangay daytoy iti uneg ti tallopulo ket uppat a tawen (agrikus ngamin uppat a pulo a parokia iti probinsia).

“Napintas met daytoy a wagas tapno makita dagiti dimmar-ay ti aglemlemmeng a kinapintas ti ilimi nga adda iti nagbabaetan dagiti bantay” kinuna ni Maggay.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s