Kannawidan Festival 2011

Partuat ken Patanor Trade fair,  Eating and Drinking Contest, Delphic Games, vintage Car Parade, Zarzuela Ilocana…

Kannawidan Festival 2011 is on…

Impakaammon ti gobierno probinsial ti Ilocos Sur dagiti aktibidades iti masungad a 4th Kannawidan Ylocos Festival, ti parambak a panglagip iti panagwaywayas ti Ilocos Sur kas naan-anay a probinsia idi 1818. Mangrugi daytoy inton  Enero 30-Pebrero 5. Mainaig itoy, iyaw-awis metten ti probinsia ti pannakipartisipar ti amin itoy a parambakda.

Mairugi iti bigat ti Enero 30 ti 15 a kilometro a fun run idinto a maangay met ti nasantuan a misa ken libut iti kamalmanna. Maangay met iti sardam ti pannakailukat ti Ramen ken Raman Food festival ken pabuya dagiti lokal a banda.

Iti Enero 31, mairugi ti Partuat ken Patanor Trade fair, Salip iti Pinnadakkelan, Regional Choir/Glee Competition, Marching Band Competition, Eating and Drinking Contest, ken battle of the bands.

Mairugi met ti salip iti nakainsigudan a kankanta, interpretative dance, contemporary dance, maysa a talent search ken panagpabuya dagiti maimbitaran nga artista inton Pebrero 1.

Maangay met iti kabigatanna ti Delphic Games-Craft Demo ken Most Innovative Products, chess tournament, SIGLAT Awards and Recognition, pabuya ti Ballet Philippines ken panagpabuya dagiti maimbitaran nga artista.

Iti maikalima nga aldaw, maangay met iti agsapa ti senior citizens fun run, salisal ti disenio ken panagpinta ken SIGLAT ESKWELA Awards. Iti malem, maisayangkat ket ti karera ti kabalio Mapadayawan met iti sardam dagiti Annak ti Ilocos Sur a nakaited pammadayaw para iti probinsia.

Iti Pebrero 4, maiparada dagiti vintage cars, Living Treasure Awards, ken ti pannakapili ti Saniata ti Ilocos Sur 2011.

Iti maudi nga aldaw, maaramid met ti kannawidan nga ay-ayam, Zarzuela Ilocana, Pannakapadayaw dagiti nangabak iti Salisal ti Zarzuela ken pabingo. (Mancielito S. Tacadena)

One thought on “Kannawidan Festival 2011

  1. sir baka nman po may video kayo sa chorale competition ng elementary level at ung sa marching band last year marami pong kababayan ang gustiong mapanood ang mga pacontest di po ksi namin masearch sa youtube…more power!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s