Ayannan Dagiti Pumapasion

Pitoda a nagpalista tapno makisalip iti salip ti pasion ti DZTP Radio Tirad Pass. Tallo a grupo. Ngem dua laeng ti nakasangpet. Saan a nakaumay ti maysa.

Insayangkat ti DZTP ti salip tapno biagen daytoy a kultura ni Ilocano a kadawyan idi nga ar-aramiden no tiempo ti semana Santa.

Ngem itan, manmanon ti mangisayangkat ti panagbasa iti sudario. No adda man kadagiti lugar, mabilbilangen iti ima. Imbag ketdi ta adda dagiti nabatbati a babbaket ken lallakay a mangitultuloy latta iti daytoy a kansion ti semana santa.

Nangabak da nana Florentina Haduc ken Gertrudes Salgado iti Suagayan, Santa Lucia, Ilocos Sur, ken binagi met da nana Andrea Hezeta, Demetria Hezeta ken Loreto Abella ti consolation prize.

Itay napalabas a tawen, isuda mam met laengen ti nangabak itoy met laeng a salip.

Awan kadi ngatan ti panawen a no kastoy a semana ket isu la ti mangmangegan. Idi nga iparitda ti panaglaaw, panagikkis ken dadduma pay nga ariwawa iti nangina nga aldaw.

Idi a dagiti nataengan ket agpatpatnagda iti simbaan tapno agsisinublatda nga agbasa ti sudario. A tunggal barangay ket adda panakabagina tapno agpasion. Nga uray kaltaang iti rabii ket mangmangeg pay laeng iti trumpeta ti natinggaw a bosesda.

Idi nga isuda ket agturong kadagiti balbalay tapno mangibasa iti leksio.

Itan, iti sa met laengen radio a masansan a mangegan ti leksio.

libot iti san esteban, ilocos sur iti mierkoles abril 2011

Nupay kasta, sibibiag latta met dagiti makiliblibot iti nangina nga aldaw. Kas koma iti San Esteban, Ilocos Sur. Nupay bassit laeng nga ili, ngem no maaramid ti libot, sangareprep ti makipagmaymaysa. Ken wen, saan nga agkatnay ti umili nga umay maki-seven last word ken libot.

Ala, uray ket addan sa metten mangisaysayangkat iti leksio babaen iti rap wenno hip hop style. Ngem siempre, saanen a dung-aw daydiay…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s