Kannawidan Festival 2012 Highlights

KULTURA, AGRIKULTURA KEN TURISMO, TAMPOK ITI MAIKA-5 A KANNAWIDAN YLOCOS FESTIVAL

Ladawan: Dante Tacata, Ricardo Raguini, Victor Rapanut

Teksto: Manciel Tacadena

3. PARTUAT KEN PATANOR. Ramramanan ni Gov. Chavit Singson ti malunggay ice cream manipud iti San Ildefonso, Ilocos Sur maysa kadagiti nailako iti makalawas a trade fair. Manipd idi nairugi ti parambak ti Ilocos Sur idi 2008, adun a produkto iti talon, makmakan ken alikamen iti pagtaengan ti naitampok iti agri and trade fair. Maysa daytoy a wagas tapno maitandudo dagiti OTOP ti nadumaduma nga ili. Adda met dagiti maawis a negosiante manipud sabsabali a probinsia a makipaset iti Partuat ken Patanor.

4. ARI TI BASI. Pinagmulumog laeng ni Ernesto Riguera ti Brgy. IV, Vigan City ti sangabote a basi tapno maideklara nga ari ti basi bayat ti salip iti Kinnalaing a Mangan/Uminum iti maikadua nga aldaw ti Kannawidan. Malaksid iti basi adda pay pasalip iti kaaduan iti makan a kornik, empanada, shellfish cracker, balikutsa, kalamay, opia, bibingka, tinubong, longganisa ken bagnet. Amin a nangabak naipaayan iti P5,000 a premio.

5. KANNAWIDAN A SALA. Dagiti met estudiante iti elementaria ken Highschool ti nagsasalip iti Traditional Tribal Ritual, Choir, drum and lyre, street dancing showdown, traditional music ensemble, dance drama, traditional folk dance ken contemporary dance.

6. PANAGSUBLI ITI NAPALABAS. Da Bise gobrnador DV Savellano ken Ms. Dina Bonnavie bayat ti naangay a costume party iti Vigan Plaza Hotel. Nagpipinnakita iti kadaanan a pagan-anay dagiti amin a dimmar-ay iti pangrabii a nakaipatayaban dagiti kadaanan a tokar ken kankanta bayat ti pannanngan.

8. BAYANIHAN DANCE COMPANY. Nabusatan ti umuna a rabii ti Kannawidan babaen ti panagpabuya ti Bayanihan Dance Company. Impabuyada dagiti nadumaduma a native dances iti Pilipinas iti sanguanan dagiti Ilokano a nagbuya iti presentation. Nangangay pay ti grupo iti libre a Trainors Training Workshop para kadagiti mangisursuro iti music ken physical education.

9. ABEL FASION SHOW. Nairampa dagiti bado a naaramid manipud iti tela nga abel bayat ti Pabuya ti Abel a Bado idi Pebrero 1. Dinisenio da Dita Sandico-Ong, Junty Martinez ken dagiti miembro ti Ilocos Sur Designers Gulid dagiti bado a naiparang, maysa daytoy a wagas ti gobierno probinsial nga idauluan ni Gov. Chavit Singson tapno maitandudo ti abel, maysa kadagiti living treasure ti Ilocos Sur.

11. SANIATA TI YLOCOS.Nakoronaan ni Hannah Ruth Sison manipud iti Carmen, Pangasinan kas kas Saniata ti Ylocos 2012 bayat ti salip ti kinapintas idi Pebrero 3. Inatiw ti dayag nga agtawen iti duapulo ket tallo dagiti 29 a nakabalubalna tapno iyawidna ti premio a P100,000 ken plake. Napili pay isuna a Best in Gown kalpasan nga irampana ti abel a gown a dinesinio ni Raymund Arce a napili met kas Best Designer. Napili met kas Saniata ti Ylocos World nga addaan iti premio a P75,000 ni Jannie Loudette Alipo-on manipud iti San Fernando City, La Union. Iti talent portion idi Enero 30, napili pay isuna kas Star of the Night. Naisaan met ti korona kas Saniata ti Ylocos Environment ken ni Mary Candice Ramos ti Sto. Domingo, Ilocos Sur idinto a Saniata ti Ylocos Model of the World-Philippines ni Reina Mae Maerina ti Villasis, Pangasinan. Agpada dagitoy nga immawat iti P50,000. Nagpuesto kas first runner-up ni Jennica Ollero ti Tubao, La Union malaksid a napili pay daytoy kas Miss Photogenic ken Ilocano’s Choice. Ni met Kate Ann Goza ti Bautista, Pangasinan ti nagbalin a second runner-up a napili pay kas Best in Swimsuit. Naipaay met ti sabali pay a minor awards kada May Ann Naguit ti Bugallon, Pangasinan ken Miss Congeniality ni Rochelle Cadiente ti Magsingal, Ilocos Sur.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s