Sarindaniw: Sulpeng

jaeden

Idi ubingak pay a bassit

Nalaingak a sumirip-sirip

Uray nasamek wenno nasiit

Sadiayak a sumingit-singit.

Agsapa man wenno sumipnget

Lawa-lawa a napaparagsit

Dadakkel man wenno bassit

Agpada ida nga alaek.

 

Ingana nga innak naisip

Nagaramidak ti palsiit

Nga isu innak isugpit-sugpit

Short pantko a ngumisit.

 

Simmurotak ken ama

Napan nagkali ti buga

Adda banag innak nakita

Nakabitin bato ulo ni Ama.

 

Sinirigko a pinuntiria

Balay alumpipinig iti sanga

Apagisu nawara

Sinippitda lapayag, agong ni Ama.

 

Nakaunget ni Ama

Insardengna nagkali buga

Bullawit innala

Toy kimmotko sinaplitna.

 

Nagbuatitak a nagawid

Ta daytoy kimmot nasaniit

Ni Ama sinurotnak latta

Lapayagko inapigodna.

 

Idi kitaek ni Ama

Nagbaliwen rupana

Gapu napalalo rurodna

Di palsiit inbasurana.

 

Nangaramidak manen ti sukatna

Indakdakkelko tapno napigpigsa

Ni Manongko kinunana

Ti manok diak kabaelan mapuntaan.

 

Idi nagpakan ni Apong manokna

Diay kadakkelan sinirig pinuntiria

Apagisu natamaan ulona

Uray la limmagto nagkulipagpag, napadata.

 

Nilaawannak ni Lola

Impulongna ken ina

Ti palsiitko inagawna

Ditoy kimmotko inbasnotna.

 

Manipud idin, siakon tay mabuteng

Palsiit innakon imbelleng

Saannakon agsulsulpeng

Tapno diakon mabuten.

 

(manipud iti programa ni Pablito Alcantara)

One thought on “Sarindaniw: Sulpeng

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s