DA-CAR, LINAWAS NGA AGILAKO ITI 5MT A REPOLIO


ni Eliseo B. Contillo
Tapno matulongan dagiti mannalon iti Benguet iti panagsuek ti presio ti repolio ken dadduma pay a nateng, inkeddeng ti Department of Agriculture-Cordillera (DA-CAR) a ti ahensia ti mangibiahe iti repolioda a 5 metriko tonelada iti linawas.
Kinuna ni DA CAR OIC-Director Cameron Odsey a limmaka ti repolio gapu iti oversupply. Itay lawasna, P8-P20 laeng ti kada kilo a nalaka unay no idilig iti average production cost a P8.60/kg.
Tapno saan a malugi dagiti mannalon, kinuna ni Odsey a pabilgenda ti Kadiwa marketing tapno makaideliberda iti 5,000 kg iti Metro Manila ken dadduma pay a merkado iti Luzon agingga iti Setiembre, babaen ti pannakitinnulong ti lima a grupo dagiti mannalon.
Agingga itay Agosto 14, ti DA-CAR ti nakailakon iti aganay a 4.5 tonelada a repolio, kinuna pay ni Odsey.
Ti presio ti repolio iti umuna a semestre ti napintas ta immabut iti P10.53/kg iti kalakana iti Enero ken P53.33/kg iti kanginana iti Hunio.
Ad-adda pay a papigsaen ti DA-CAR dagiti dadduma pay a Kadiwa platforms kas iti Kadiwa on Wheels ken Kadiwa Retail Stores, tapno umabot ti mailako iti 4,200 kg a repolio iti linawas kasta met dagiti dadduma pay a nateng.
“Itultuloy ti DA a yimplementar ti mandato a Plant, Plant, Plant Program iti babaen ti panangidaulao ni Secretary William Dar tapno maisiguro ti produksion ken adda madadaan nalaka a magatang a taraon,” kinuna ni Odsey.
Kas paset ti Plant, Plant, Plant program, ti Kadiwa ni Ani ken ti Kita marketing initiative ti nakatulongen iti pinulllo ribu a mannalon ken aganay a dua million a pamilia ken consumer iti intero a pagilian.
Addaan ti Kadiwa iti nadumaduma a plataporma kas iti Kadiwa on Wheels, Kadiwa Retailing, Kadiwa Express, ken online e-Kadiwa, a mabalin a pagpilian dagiti consumer a gumatangan bayat ti panawen ti community quarantine tapno maliklikan ti pannakaakarda iti Covid-19.
Agingga itay Agosto 14, kinuna ni Odsey a ti DA-CAR a babaen ti agribusiness marketing assistance division (AMAD) addani 101 a Kadiwa on Wheels,nga agilaklako iti 27,081 kg a nadumadua a nateng nga agpateg iti P939,360.
Ti Kadiwa retail store iti DA-CAR compound, nga addaan iti siam a grupo dagiti mannalon, ti nanggatangan ti ginasut a consumers iti aganay a 17,742 kg a nadumaduma a nateng nga agpateg iti P1,346,288.
Babaen ti Kadiwa Express —a pangipaayan ti DA iti pangiluganan dagiti mannalon kadagiti produktoda a mangibiahe a direkta kadagiti aggatgatang – umaboten iti P21.75 million ti napaglakkuanda iti 768,070 kg a nadumaduma a nateng. Kinuna pay ni Odsey a ti DA-CAR Kadiwa Express ti nakatulongen iti 23 farmers’ groups, 54 NGOs, ken 8 nga LGUs.
Babaen iti Kadiwa marketing initiatives, iti laksid ti pangta ti COVID-19 pandemic, dagiti mannalon iti Cordillera ti aggangganansia ken agtultuloy a makapastrek, ken maipaayanda dagiti consumers iti nalaka ken nasustansia a taraon.
Iti sabali a bangir, manipud Setiembre agingga iti Disiembre, ti Benguet Agri-Pinoy Trading Center (BAPTC), iti La Trinidad ti agserbi a “buyer of last resort,” no adda oversupply ti nateng iti Cordillera region, innayonna.
Ti BAPTC — nga imanmanehar ti Benguet State University (BSU) babaen ti tulong ti DA-CAR, La Trinidad LGU, ken dagiti grupo dagiti mannalon – ti agpapaay a kangrunaan a wholesale vegetable trading center iti rehion.
Inlawlawag pay ni Odsey a dagiti nateng a saan a maakomodar ti BAPTC ti mailako kadagiti nadumaduma a DA-CAR Kadiwa platforms. Maaddaanto metten ti BAPTC iti P20-million a vegetable and fruit processing facility, a punduan ti DA, babaen ken ni Agriculture Secretary William Dar.
Kinuna ni Odsey a DA-CAR ti mangirusat iti “Enhanced Kadiwa program,” nga addaan iti nayon a badyet a P22 million. Maaramat daytoy a panggatang iti customized KADIWA vehicle ken mangipaay iti P20-million a pautang kadagiti kalipikado a farmers’ cooperatives and associations (FCAs) a pangrugiananda a pagpuonan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: