CAMP BGEN OSCAR M. FLORENDO. Iti agtultuloy a kampania dagiti pulis kontra iti kriminalidad, dandani 1,000 a wanted a tattao nga addaan iti naduma-duma a kaso ti tiniliw dagiti panakabagi ti linteg ditoy region 1.
Iti report ni PBGen Rodolfo Azurin Jr., regional director ti PNP Region 1 kenni Police General Archie Francisco Gamboa, 963 a wanted ti tiniliwda kadagiti nagduduma nga operasion nga insayangkatda iti probinsia iti Pangasinan, La Union, Ilocos Sur ken Ilocos Norte.
Iti nasao a bilang, 101 ti makuna a Most Wanted Persons kabayatanna a ti 862 dagiti makuna a wanted kadagiti naduma-duma a kaso.
“We will be on guard day and night, and let our people feel the safest. Even this pandemic will not hamper us from implementing the law, provided that we follow the health protocols of the New Normal.” Kinuna ni BGen Azurin.
Innayonna a ti balligi a panakaaresto kadagiti criminal ket mangipakita a nangatngato itan ti kampania kontra kadagiti wanted a tattao ken mas komprehensibo nga implementasion iti Simultaneous Anti-Criminality Law Enforcement Operation wenno SACLEO.###
ilocandia 
Leave a Reply