Nabatbati A Badyet Ti DA Iti 2020, Maaramat A Pangisiguro Iti Food Security

Rudy Contillo

Iti uppat a bulan a nabatbati itoy a tawen, itultuloy ti Department of Agriculture (DA) a yimplementar dagiti kangrunan nga interventions tapno maisiguro nga adda agkaanay, madadaan, ken nalaka a taraon para iti minilion a kaamaan iti Filipinas, nangruna iti Metro Manila ken dagiti lugar a makasapul iti ad-adu a taraon aglalo itoy a kangitingit ti COVID-19 pandemic.

“Ipokostayo ti nabatbati a badyet para itoy a tawen, a 73 porsienton ti naaramat para kadagiti kangrunaan nga inisiatibo tapno maisigurado a tunggal kaamaaan a Filipino ti saan nga agbisin iti panawen ti pandemia,” kinuna ni Agriculture Secretary William Dar iti kaiwaywayat a miting ti economic development cluster (EDC) ti gabinete ni President Rodrigo Duterte.

“Paset ti 73 porsiento ti P8.5-billion (B) rice resiliency project (RRP) ken ti P3-B Financial Subsidy to Rice Farmers (FSRF),” kinuna pay ni Secretary Dar.

“Ti nabatbati met a 27 porsiento ti para iti cash assistance babaen ti Rice Farmers’ Financial Assistance (RFFA), ken ti zero-interest loans kadagiti babassit a mannalon ken mangngalap, a naapektaran ti panagbiagda gapu iti pandemic, ken dagiti agri-based micro and small enterprises,” kinunana pay.

Para met kadagiti kangrunaan  commodity programs, 74 porsiento ti naaramaten para iti  loan assistance, 94 porsiento ti naruk-atan; ken ti  cash assistance para kadagiti babassit a mannalon ti  siento porsiento ti pannakaaramatna.

Tti EDC meeting, a naangay idi Setiembre 1, ti indauluan ni Finance Secretary Carlos Dominguez, a nangidaulo iti presentasion dagiti kangrunaan nga ahensia maipapan iti kasasaad dagiti maiwaywayat a programada tapno mapapigsa ti ekonomia ti pagilian babaen ti panakaipatungpal dagiti infrastructure projects,  consumer spending, panakapataud ti panggedan, ken dadduma pay nga aktibidad.

Iti nasao a miting, kadua ni Secretary Dar ni DA Undersecretary Cheryl Natividad Caballero, a nangidatag iti  P17.5-billion refocused 2020 DA budget ken ti  proposed P24-billion stimulus package para iti agrikultura iti babaen ti  “Bayanihan to Recover as One Act” wenno “Bayanihan 2.”

Ti P24-B budget ti mayalokar iti agri-fishery productivity enhancement projects (P8.7B),  income enhancement projects (P8.8B), ken social protection and amelioration projects (P6.5B), kinuna ni Caballero.

“Ti nayon a pundo ti maaramat iti  Plant Plant Plant Program ti Duterte Administration tapno maiseguro ti seguridad ti taraon ken ti agtultuloy a produksion iti agri-fishery sector. Paset pay daytoy ti maaramat iti  direct cash subsidies, zero-interest loans, ken dadduma pay a klase ti tulong para kadagiti kalipikado nga agri-fishery enterprises, mannalon ken mangngalap a nakarehistro iti RSBSA, dagiti farmers’ cooperatives and associations (FCAs),” innayon pay ni  Caballero nga agserserbi a chief of staff ni Secretary Dar..

Ti Bayanihan 2 ti agur-uray iti pirma ni Presidente Rodrigo Duterte.

Dagiti dadduma pay nga ahensia a nagipresenta iti EDC ti pakaibiliangan ti departments of finance (DOF), trade and industry (DTI), tourism (DOT), social welfare and development (DSWD), transportation (DOTr), health (DOH), science and technology (DOST), ken ti  information and communications technology.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

<span>%d</span> bloggers like this: