SULISOG

Kenny Oblero, La Union

 

Agay-ayamka man iti apoy, gumil-ayabka

Derrep a tarigagaymo, sumgedka

Ngem ti banagem, maibabainka.

Sulisogka kaniak ngem adaywanka.

Ta iti Dios dimo mailimed kenkuana

No ni sulisog ket abakennaka

Di bumurong awatemto ti bunga ti aramidmo a pannusa

Ket ta gumilgil-ayab a riknam sebsebam koma

Ta awanto kenka da dagensen ta riknam.

Agtalinaedka Ditoy Pusok

Art Guevarra

 

Callao Caves iti Penablanca nagpasyarak

Timmawagka bayat panagbuyak pusaksak

Adu dagiti sutil, panangrabakmo kaniak

Nammuam a kadduak mangisursuro a babbalasang

Calawagan Dakkel National High School a napipintas.

Inladawak pintas pito a gukayab.

Maikaddua ket addaan pasdek a kapilia

Nagulimikak ket kiniddaw kenni Jehova

Ditoy ti pagkasaranta.

Adu ti mabukel a daniw kadagitoy kueba

Ta marikna simbeng ti ayog

Tarakitik a mangwarwar kaibatugan a karirikna.

Nagmulaak iti masetas iti gukayab maikapat ken maikalima

Babaen iti panangiwanwan ni Manong Jim Domingo.

Nagmulaak adu a lanot, yellow bell

Iti igid ti sangagasut a palidang nga agdan

A mangitunda iti gukayab ti Callao.

Nagbilogak a nagturong ungto ti karayan

Ket naimatangak riwriw a panniki a rimmuar

Sakbay alun-onen ti sipnget ti lawag.

Nagdaliasatak pinsal a nangted arbis

Nariknak panakailiw ken ayat toy pusok

Nagdigosak nalinis, naadalem a karayan.

Naragsakak unay uray awanka ditoy sibay

Inkagumaam panangkumusta kaniak.

Ditoy pusok ayatmo pagtalinaedek

Uray pay naunday a panawen ti aglabas agurayak.

Toy Daniwmo A Managan Imnas

Darasudos

Dumteng ti il-iliwem nga agsapa, ayatko.

A mariingam nga addaak iti sibaymo

Isagutko kenka ti kinataok ken dayaw

Nga iti naminsan indadanes dagiti kigaw.

 

Dengdenggek dagiti ikkis ken sangit

Uray agmatuon ken kaltaang ti rabii

Iti puyat ken bisin a linak-am dagiti kapadam

Naawatannak, immadayoka, addaka’t sibaymo

 

Dandanin agbanag ti iserbikto kenka

Babaen iti panagtalekmo itoy naipakomit a biag

Saanak man a makakita agbiagta a naragsak

Urayem ‘toy ay-ayatem a managan imnas.

ARAMIDENNAC

Aramidennac cad O Apo

Cas mayalubog ta nakemmo

Ta sica’t nangted toy biagco

Siurayac iti cayatmo.

Agraemac iti sanguanam

Casasaadco imatangam

Basolco cad’ ugasam

Tapno dumalos toy biag.

Sicsica la umdas

A mangted talna toy pusoc

Macaagas ti nasacitco

Ken mangpunas ladingitco.

Pagbalinennac O Apo

Natulnog adipenmo

Espiritum itdem caniac

Ket tagicuaem toy biag

gemini 5

Dagiti Tinaktakaw A Paludipko Kenka

No umayak kenka

Kadagiti sumangbay a malem

Kunam kaniak:

“Inton naminsan laengen nga

            Umayka manong.”

Ket no agsubliak kenka

Iti sabali manen a malem

Isu latta ti balikas

Nga agaon kadagita bibigmo

Kaguranak kadi,

Wenno saannakon kayat a

            makita?

Dika a maawatan

Nupay kasta agan-anusak

Ket sapay ta inn sumangbay a malem

Palubosannakton nga umaddak

            ‘ta arpadmo

Tapno maawatannak ken maawatam

Ta kaipapanan dagiti

            Tinaktakaw

A paludipko kenka.

 

Nepo Benitez

San Esteban, Ilocos Sur

TEXTMATE

Nagkakilala sa teks nag-umpisa

Nagpanggap kang binata

Nagpanggap din akong dalaga

Ginamit pa pangalan ng tiyahing matanda.

Oras ng unang pagkikita

Pumunta ka sa bahay ng aking tita

Kumatok ka at pinagbuksan ng matanda

Tinanong kung ano’ng kailangan nila

Sinabi mo: “itoy ba’ng bahay ni Clarissa?”

“Ako nga, anong kailangan nila?”

Nagulat ka, di inasahan ang nakita

Dali kang nagpaalam

Sa pagmamadali di mo nakita

Malaking kahoy na nakabalandra

Nadapa ka, tumilapon ang bulaklak na dala

Dali kang bumangon, palingon-lingon

Ng matiyak na walang tao

Dali kang umalis na parang wala ako

Sayang textmate, guwapo ka pala!

 

LGA

ANNINIWAN

Anniniwan, anniniwan

Apay nga addaka latta liklikudan

Apay a dinak man la masinaan

Ngem no nasipnget pagdalana

Siak man tay paglinglingedam

Ta dimo man la ammo a silawan

Ti nasipnget a lubongko

Dinak man la maiwanwan.

 

Mr. Lopez

Blog at WordPress.com.

Up ↑